الفلوس اتفرتكت في العيد.. المشاهير يفضحون أسعار الساحل الشمالي الجنونية| أنفوجراف

0|محمد عكاشة

الجمعة، 07 يوليو 2023 01:04 ص

ضجت مواقع التواصل الاجتماعي خلال الأيام الماضية، بالتزامن مع إجازة عيد الأضحى، بالحديث عن الساحل الشمالي وأسعاره الجنونية، مما استدعى انتقاد عديد الشخصيات العامة لها فضلا عن المشاجرات التي اشعلت السوشيال ميديا.

جوري بكر تفضح أسعارالساحل الشمالي

شنت الفنانة جوري بكر، حملة هجوم شديدة على بعض المطاعم والكافيتريات في الساحل الشمالي بسبب غلاء الأسعار فيها.

ونشرت على خاصية القصص المصورة المملحقة على حسابها الخاص بـ”إنستغرام” عدة مقاطع فيديو كشفت فيها عن استغلال تلك الأماكن الناس ورفع الأسعار بشكل مبالغ فيها، وكتبت تقول: “أنا مضايقة من اللي بيحصل في الساحل.. ولولا إن جوزي بيحب يروح هناك مكنتش جيت”.

وأضافت: “أنا بكره الساحل أو الأصح اللي بيحصل في الساحل”، متابعة: “فيه قلة أدب بتحصل، وفيه ناس قليلة الأدب، وفيه قلة أدب في الأسعار، وفيه ناس ممكن تقولي إيه اللي وداكي، بس أنا مضطرة، وأنا الحمد لله راضية بس إيه الأسعار دي؟!.

واستكملت جوري كلامها: “أنا أي مكان هدخله مش هيعجبني أسعاره هفضحه على السوشيال ميديا، لأن إنتوا حرفياً بتسرقوا الناس، عشان يومين تلاتة جايين ينبسطوا فيهم فيالا تعالى أستغلك وأطلع كل الفلوس اللي في جيبك، يعني إيه عيل صغير يروح يجيب إزازة مياه بـ200 جنيه، هي مياه من الجنة!”.

تامر أمين: قرص الطعمية بـ 700 جنيه

من جانبه قال الإعلامي تامر أمين أنه بمناسبة عيد الأضحى المبارك، أغلب المصانع والشركات والمصالح الحكومية قررت أن يحصل العاملين على رواتبهم قبل إجازة العيد، وهي فكرة مدمرة اقتصاديا بالنسبة للمواطنين، “الناس فرتكت الفلوس في العيد، إزازة المياه في الساحل بـ 180 جنيه، وقرص الطعمية بـ 700 جنيه”.

وأوضح تامر أمين، خلال تقديمه برنامج “آخر النهار” المذاع عبر فضائية “النهار”، مازحا أن الكثير من المواطنين اكتشفت أن المرتبات التي تم إنفاقها في العيد كان من المفترض أن تسد احتياجات الأسرة حتى نهاية شهر يوليو وليس شهر يونيو المنصرم، “الناس افتكرت ده امبارح بس لما الإجازة خلصت، الناس مرتبها خلص وناقص 27 يوم على انتهاء الشهر”.

وأكد أن العيد هذا العام كان مختلفا عن غيره من باقي الأعياد، إذ أن إجازة العيد هذا العام كان مختلفا، حتى إحساس المواطنين كان مختلف هذا العام، “في ناس طلعت الساحل، واللي طلع العين السخنة، واللي طلع يصيف هنا وهنا”.

شربته وأنا بعيط.. نهاد أبو القمصان: كوباية الشاي بـ 150 جنيها

من جانبها، قالت نهاد أبو القمصان المحامية والناشطة الحقوقية: إن الأسعار في الساحل الشمالي، مشيرة إلى أن هناك مثل يوناني مشهور بيقول “لما تدخل حلبة الرقص أرقص” ودة معناه أن حضرتك يا تقعدوا في مجتمع أنتو منسجمين معاه يا متروحوش أصلا.

وأضافت في فيديو على موقع “تيك توك”: “في ناس كتيرة تدخل مجتمعات شايفة انها هتفطس علشان تدخلها ولما تدخل يقعدوا يصوتوا”.

وسخرت “أبو القمصان” من أسعار الشاي قائلة: إمبارح أصحابي عزموني على مكان بالساحل الشرير جميلة وزحمة جدًا، وبصيت على منيو المكان لقيت الشاي بـ 150 جنيها، والصراحة كنت عاوزة شاي بـ لبن فخوفت إن سعره يوصل لـ 1500 جنيه وقعدت أشرب الشاي وأنا بعيط”.

وقالت: الناس إلى بتشتكي من أسعارالساحل الشماليمتروحش أو متشتكيش من الأسعار، لأن أصحاب العقارات بالساحل شارينها بـ 50 أو 100 مليون جنيه، فمش هيفرق معاه 150 جنيه”.