نقل والد مي كساب للعناية المركزة بعد تعرضه لوعكة صحية

أعلنت الفنانة مي كساب عن تعرض والدها لوعكة صحية شديدة ونقله للعناية المركزة، طالبة من جميع جمهورها الدعاء له.

وكتبت مي كساب عبر حسابها الشخصي بموقع التواصل الاجتماعي فيسبوك: أبويا في العناية المركزة، يا رب اشفيه وخليه لينا ملناش غيره.

مي كساب تكشف أسرار في حياتها الشخصية

وكانت قد كشفت الفنانة مي كساب أسرار عن حياتها الشخصية والفنية وبدايتها، بجانب كواليس ابتعادها عن الغناء، قائلة: «الظروف مخدمتنيش في الغناء».

قالت مي كساب في تصريحات تلفزيونية لها: «اللي عارفين يكملوا من جيلي لازم الجمهور يتأكد إن دي اجتهادات فردية منهم، وكل شركات الموسيقى مبقوش يشتغلوا، حتى المنتج نصر محروس مبقاش يشتغل زي الأول.. أنا قررت وقت ثورة 25 يناير أني مش هشتغل تاني لايف، وجابوني في مسلسل تامر وشوقية من أغنية شيل ده من ده».

وتابعت: «مكنتش عايزة أكون ممثلة وأحمد الفيشاوي ومكي هما اللي اختاروني في تامر وشوقية، ودخلت مجال التمثيل عشان أرضي والدي وهو كان شايفني خليفة شادية، وعادل إمام كان حاببني في فيلم بوبوس».

واستكملت مي كساب حديثها عن تعاونها مع الزعيم عادل إمام: «كنت 24 ساعة معاه وهو أبو الكوميديا، واتعلمت منه أقول الإفيه أمتى وإزاي ويسرا ست عظيمة قدرت تواكب كل جيل، اتعلمت منها إنسانيًا وبتجبر بخاطر كل الناس اللي حواليها وهي مثال للنجم الحقيقي».