حسام داغر ينعي إيهاب أبو زيد بكلمات مؤثرة: أنا قلبي هيقف من الخضة معقول ببساطة كده أنام وأصحى الاقيك مشيت

أعرب الفنان حسام داغر عن حزنه الشديد على وفاة المخرجإيهاب أبو زيد، رئيس قناة النهار بأزمة قلبية مفاجئة.

وكتب حسام داغر عبر حسابه الشخصي بموقع التواصل الاجتماعي فيسبوك: أنا قلبي هيقف من الخضه .. معقول بيساطه كده انام و اصحي الاقيك مشيت يا ايهاب .. ده انا تليفوني و تليفون اخويا مبطلش رن منك و انا في المستشفي في العنايه لحد ما انا خرجت و سمعت صوتي و قلتلي انا كده اطمنت عليك.

وأضاف:ده لسه في احلام و مشاريع كتير بتفكر فيها سوا .. ببساطه كده ازمة قلبيه مفاجاة .. ده انت اكتر واحد كنت متحمس لمشروعي دكتور داغر و كنت هتشرف فيه علي الاخراج مع علي و انت المخرج الكبير المدير القائد مفكرتش لحظة متقفش جمبنا.

وواصل:فاكر انت اول واحد كنت واثق فيا و موهبتي و ادتني بطوله في راديو ستار سنه ٢٠٠٥ و اقنعت بيا علي رجب بعدك لما كمل المسلسل .. لاحول ولا قوة الا بالله ايهاب الاخ الكبير الغالي المحترم في ذمة الله.

واستكمل:ربنا يصبرك يا ادم يا حبيبي انا لقيت ميسد منك الفجر و انا نايم اكيد كنت عاوز تبلغني الي حصل لبابا … ربنا يرحمك يا حبييي .. قلبي هيخرج من مكانه من ضرباته من خضتي عليك .. يا رب تكون في مكان احسن يا ابن الاصول ياما حكتلي عن باباك الاستاذ احمد ابو زيد مدير الاذاعة المصريه زمان و تعلقك الشديد بيه .. هو في انتظارك ياخذك في حضنه بعيد عن دوشة الدنيا و قلقها .. الله يرحمك يا حبيبي الله يرحمك يا ايهاب.