ياسمين عز تنصح السيدات في عيد الأضحى: أسبوع العيد مش عشانك علشان جوزك

وجهت الإعلامية ياسمين عز عدة نصائح للسيدات بمناسبة عيد الأضحى، وذلك خلال حلقتها من برنامجها كلام الناس الذي يعرضعبر شاشة إم بي سي مصر.

نصائح ياسمين عز للزوجات

وقالت ياسمين عز: عيد سعيد عليكي وعلى فرعونك الصغير، وحبيت ألفت نظرك لحاجة مهمة، وهي أن أسبوع العيد مش عشانك علشان جوزك يرتاح فيه من تعب الشغل، أنتي مريحة طول السنة وخدتي إجازة في العيد الصغير، نبدل بقى وتعالي على نفسك اليومين دول شوية ومردودهم عليكي هيكون هايل، ونضفي علشان الراجل يلاقي البيت فلة وشمعة ولو عندك وقت فراغ اشتري اتنين كيلو ممبار وشليهم في الفريزر وحطيهم علشان تطلعيهم وتحمريهم لجوزك.

كما وجهت ياسمين عز نصيحة للزوجة بشأن شراء الرقاق قائلة: استخدمي الرقاق الفلاحي البلدي بلاش رقاق اليومين دول، هاتي رقاق بلدي من المخبز بلاش بتاع السوبر ماركت، لأن البلدي لما تسقيه مش يبوش التاني بيبوش.