ياسمين عز لـ السيدات: اشتري اتنين كيلو ممبار لجوزك فى العيد وحمرهمله

وجهت الإعلامية ياسمين عز بعض النصائح للسيدات بمناسبة أسبوع العيد،وذلكخلال برنامج “كلام الناس” المذاع على قناة “إم بي سي مصر”.

وقالت ياسمين عز :”الراجل في أسبوع العيد لازم يرتاح من تعب الشغل ويلاقي البيت فلة وشمعة.. واشتري اتنين كيلو ممبار وشيليهم في الفريزر علشان تطلعيهم وتحمرهمله.

كما علقتياسمين عز على زيارة جوارديولا لمصر، قائلة: اكتشفت إنه له معجبات في مصر بالملايين بس استوقفتني حاجة مهمة هي إيه سر جاذبية الرجل الأصلع؟ مفيش رجل أصلع مش جان ومش فتى أحلام لكثير من البنات".

وتابعت: "عندنا ناس كتير مشهورين هنا وبرة صلع، الرجل الأصلع ضد الزمن وضد الشيخوخة لا تجعيدة تظهر ولا تكشيرة في وشه ولا شعره هيفضل شباب العمر كله وأنتِ تشيخي إنما هو إكسير الحياة وبيلمع ومش انفعالي ولا هوائي حد تقيل في نفسه".

وأكملت: "الرجل الأصلع اقتصادي جدًّا لا بيضيع وقته في حلاقة ولا في كوافير والفلوس دي يديهالك أنتِ، بني آدم مخلص لأبعد الحدود وشعره بيقع من كتر همه علشانك، ومش هتعرفي تقولي له أنت عرفت بنات بعدد شعر راسك، هو لا يخون لإن ما عندهوش شعر أصلًا، الرجل الأصلع مستقيم لا بيسهر ولا مبلط في ديسكو وهو مش بتاع ديسكوهات، من البيت للشغل ومن الشغل للبيت".