عمرو أديب يرفض «الـ20 جنيه الجديدة»: شكلها مش مريحني

علق الإعلامي عمرو أديب، على الشكل المتداول لفئة «العشرين جنيه البلاستيكية الجديدة» والتي يُقال إنها من المقرر طرحها في عيد الأضحى.

وقال «أديب»، خلال برنامج «الحكاية» عبر فضائية «إم بي سي مصر»، مساء الإثنين، إن «العلامة المائية الموجودة على الـ20 جنيه قريبة الشبه من علم المثلية»، مضيفًا: «شكلها مش مريحني».

وأوضح: «اللي مضايقني أكتر إن العلامة المائية على الجامع، جايز هي دي العلامة اللي بيتم استخدامها، ماشي، بس ما تبقاش على الجامع، دي عملة بلدي، وده جامع بلدي».

وأشار إلى أنه تواصل مع البنك المركزي ولم يحصل على رد واضح، مضيفًا: «لو كان الشكل المتداول للعشرين جنيه البلاستيكية صحيح، يا ريت نتدراك الأمر، أو على الأقل نشيل العلامة المائية من على الجامع، أو اطلع وقول إن هذا الأمر غير موجود».

وأعرب «أديب» عن تشككه في صحة الشكل المتداول للعملة البلاستيكية الجديدة، قائلًا: «عندي شك كبير فيها لأنها بإمضاء طارق عامر، أو ده إمضاء قديم، ولا الورق بينزل عادي بإمضاء قديم، أنا معرفش».