نيللي كريم: الستات حاليا هي راجل البيت وبتشيل الأولاد

أجرتالفنانة نيللي لقاء مع منصة شاهدلكشف تفاصيل شخصيتها في مسلسل «ليه لأ» الموسم الثالث.

وقالت نيللي كريم: «شخصيتي في المسلسل أم لطفلين، وبنشوف إيه المشاكل اللي بتحصل لها في فترة زمنية معينة».

وتابعت: «هي شخصية موجودة في وسطنا وحقيقية جدًا وموجودة وسط أصحابي وأصحاب صحابي، شخصية بنشوفها كتير، وأزمة المسلسل أنها بضحي بحاجات كتير عشان سعادة ولادها».

وأضافت: «الابن بيفتكر نفسه راجل البيت، والام بتحاول ترضيه بكل الأشكال لحد ما بتيجي لحظة بتقف فيها وبتحاول محدش فيها يجي على أولادها، فدي نقطة التحول بتاعت المسلسل».

وتابعت: «راجل البيت كلمة كبيرة في الزمن دي، وحاليًا الست هي راجل البيت، هي اللي بتشيل البيت والأولاد خصوصًا لو فيه حالات طلاق بنسبة 99 في المئة الأبهات لا يدفعوا الفلوس اللي عليهم ولو دفعوا بيدفعوا مبلغ ضئيل جدًا فالست هي رجل البيت حالياً».