أنا منكم أزعل لزعلكم وأفرح لفرحكم.. الرئيس السيسي في حوار من القلب مع المصريين خلال افتتاح قرية الأبعادية بالبحيرة 

في حوار اعتاده المصريون من رئيسهم، قريبًا منهم يحس بآلامهم ويسعى لتحقيق أمالهم، حرص الرئيس عبد الفتاح السيسي على الالتقاء بعدد من أهالي البحيرة خلال افتتاحه قرية الأبعادية إحدى قرى المبادرة الرئاسية حياة كريمة.

أبرزت هذه اللقاءات مدى الحب والود المتبادلالذي يكنه الشعب المصري والرئيس لبعضيهما، فقد أكد الرئيس السيسي خلال تلقيه عدد من الأسئلة خلال افتتاحقرية الأبعادية بالبحيرة، أنه يهمه شئون المصريين لأنه منهم.

قال الرئيس عبدالفتاح السيسي، إن الدولة تعمل في قطاع الصناعة بشكل جيد لأنها توفر فرصة جيدة من حيث توفير العمل وتزويد الناتج المحلي، بالإضافة لتوفير الدولار في حالة التصدير وتحقيق الاكتفاء في حالة عدم التصدير: «لو كفينا مش هنشتري بدولار».

وأضاف الرئيس السيسي، خلال افتتاح عدد من مشروعات «حياة كريمة» بقرية الأبعدية بمحافظة البحيرة، اليوم الأربعاء: «كل ساعة الدولة تضيعها في اقتتال ده خراب سنين، بدل ما تختلف معايا اشتغل».

وتابع: «أنت من حقك تختلف وترفض بس اشتغل متحرنش وتقف، وشوفوا يا مصريين كل ما هتصبروا وتقولوا يا رب وتشتغلوا ربنا هيغير حالنا للأحسن».

الرئيس السيسى: مش قلقان من السوشيال ميديا لأن الناس بتشوف التغيير حواليها

أكد الرئيس عبد الفتاح السيسي، أنه لا يقلق من السوشيال ميديا، موضحا: "أنا مش قلقان من السوشيال ميديا لأن أنا عارف إن السوشيال ميديا عبارة عن دردشة الناس مع بعضها، بس على الهواء، دلوقتي الناس بتقعد على الفيس تتكلم لكن في النهاية كل واحد فينا في مكان بيشوف اللي بيتعمل، يعني لو حد اتعامل مع مستشفى والخدمة كويسة شاف، ولو حد اتعامل مع مركز طبي جوه قرية ماكنش موجود شاف، ولو الخدمات كانت بتتقدم في مكان والشخص راح مجمع الخدمات للحصول على خدمته شاف".

أضاف الرئيس السيسي، في كلمته للأهالي بقرية الأبعادية بمحافظة البحيرة: "اللي بيتولى قلوب العباد رب العباد، وكل واحد بياخد نصيبه.. ربنا مهيمن فخليك مع ربنا، هل إحنا كدولة بنجري على قد طاقتنا.. لا والله العظيم أكتر من طاقتنا.. مافيش حاجة بتتعمل لوحدها ولكن بجهدنا كلنا".

وأكمل الرئيس السيسي: "لو كان فيه فرصة أكتر من كده هنعمل أكتر من كده، وموضوع الصناعة شغالين فيها جامد جدا دلوقتي لأن فيها فرصة كويسة جدا لحاجتين، أول حاجة التشغيل أي العمالة، والحاجة التانية تزويد الناتج المحلي بشكل كويس، ولو صدرنا نجيب دولار، ولو كفينا مش هنشتري بدولار".

قال الرئيس عبدالفتاح السيسي، إنه نستطيع كدولة وشعب أن نتغلب على جميع التحديات التي تواجهنا، وسنتجاوز أي أزمة بفضل تكاتف الشعب مع الدولة.

وأضاف "السيسي"، خلال لقائه بأهالي قرية الأبعادية، خلال زيارته للقرية لإفتتاح عددا من المشروعات ضمن مبادرة حياة كريمة، اليوم الأربعاء، قائلًا: "لو فرحتكممايفرحنيش يبقى انا مش منكم لو زعلكممايضيقنيش يبقى انا مش منكم"، ليرد عليه أحد المواطنين قائلًا: "كلنا وراك ياريس" إلا أن السيسي رد قائلًا: "أنا مش عايزك تبقى ورايا عايزك جنب مني وقدامي".

وأكمل: "محدش يقدر يعمل حاجة لوحده ولكن نقدر مع بعض كدولة وشعب.. وكل قرى الريف المصري مش بس المرحلة الأولي فى حياة كريمة، أنا بطمن عليكم وعايز أسمع منكم.. شوفوا الكلام بقولوا دايما وقولتوا من بدري إن احنا محدش يقدر يعمل حاجة لوحده لا حكومة ولا رئيس ولا مؤسسات ولكن نقدر مع بعض".

الرئيس السيسى: كل شغلنا تخطيط استراتيجى يمتد لـ30 سنة

قال الرئيس عبدالفتاح السيسي: "كل شغلنا تخطيط استراتيجي يستهدف الدولة المصرية دلوقتي ولغاية 30 سنة قادمة بدليل أننى قلت عندنا جامعات حتى 2050 وده موضوع خلصناه ومطمن إن مفيش مشكلة في التعليم لأنها اتعملت على مستوى خريطة الدولة المصرية".

أضاف الرئيس السيسي على هامش جولته بالبحيرة: "البحيرة مرتبطة بوادي النطرون بيتعمل دلوقتي في المكان ده 2 مليون فدان والبحيرة فيها كام فدان؟ هي أكبر محافظة في مصر وانا جاي ببص من الطيارة اشوف حجم المباني المبنية على الاراضى الزراعية بيزيد ولا واقف ثابت زي ما هو؟ يعني قلت شوية..الـ 2 مليون فدان مفيهوش بيت واحد ولو هنعمل بيت هيتعمل في المناطق غير الصالحة للزراعة على الاطلاق ..الحد الأدني لو عاوز فرصة عمل هتجدها في هذا المكان.