مصطفى كامل : خايف من الذكاء الاصطناعي هل ينفع نلاقي أم كلثوم بتقول يا حوستي يامة؟

علق الفنانمصطفى كامل نقيب المهن الموسيقية على استخدام الذكاء الاصطناعي في تقديم الأغاني، وذلك خلال مداخلة مع برنامج «كلمة أخيرة» الذي تقدمه الإعلامية لميس الحديدي على شاشة «ON»، مساء الثلاثاء

وردًا على سؤال الاعلامية لميس الحديدي حول رأيه في استخدام الذكاء الاصطناعي في تقديم الاغاني علق: «حزين وخائف من الذكاء الاصطناعي وربنا يستر على شخوصنا ونجومنا.. إحنا رايحين لمرحلة صعبة وربنا الستار»

وكشف أنه تحدث ورجا الملحن عمرو مصطفى أن يتوقف عن استخدام هذه التقنية قائلًا: «ماينفعش نهزر في أهرامات الجيل الفني أم كلثوم ومحمد عبدالوهاب».

تصريحات مصطفى كامل

وكان قد أعرب الفنان مصطفى كامل عن سعادته البالغة، بفوزه بمنصب نقيب المهن الموسيقية للمرة الثانية على التوالي بالتذكية.

وقال مصطفى كامل على هامش المؤتمر الصحفي الذي أقيم مساء اليوم:استحملت كتير الـ8 شهور اللي فاتوا دول عبرنا جسرنا، كنت بحتوي كل حاجة.

وأضاف: اللي اتكلم عن أي سلبيات بقوله سامحني لو كان فيه قصور في فترتي لو كان فيه غفلة مني لأني في الآخر عبد، وأمام الله أنا لم ادخر جهد دقيقة في حياتي على مدى الفترة اللي دخلت فيها من 11/10 لحد الليلة دي، والحمد لله يقعدلي في صحة ولادي ما قدمته في الـ 8 شهور اللي فاتوا.

وواصل:اللي هيقعد معايا فاسد شهر مش هيكمل شهر ويوم، مفيش فاسد هيكمل معايا بعد يتجاب بفساده، واللي مش هيحترم المقعد ده ملوش مكان بينا.

واختتم «خايف من المستقبل وتركيب الاصوات، هل ينفع نلاقي أم كلثوم بتقول: يا حوستي يامة».