ينفع أشرب شاي تعبانة.. القصة الكاملة لواقعة طالبة الأزهر داخل لجنة الامتحانات

روت فتاة تدعى أسماء أبو المجد موقف تعرضت له أثناء أدائها الامتحان داخل جامعة الأزهر وشعورها بالإحراج بسبب هذا الموقف.

وكتب الفتاة في منشور لها عبر صفحتها الشخصية على موقع التواصل الاجتماعي فيس بوك

توثيقاً للإمتحان إللي طلبت فيه شاي..

هو ينفع اشرب شاي بجد تعبانة؟!

المراقبات بيزعقوا: شاي إيه إنتِ في لجنة إنتِ عايزة تعملي لنا مشكلة حلي يا ماما الشاي ده في البيت..

تقريباً فضحوني في اللجنة علشان بطلب أقل حقوقي ، كوباية شاي عادي يعني

ف زعقوا وسكت.

دخلت رئيسة القسم أ/د إيمان ، المراقبة بتقولها يا دكتور في واحدة عايزة شاي " بتسخنها عليا "

الدكتور : عايزة شاي ؟! طب وإيه المشكلة طبعاً ما نجيب لها شاي سهرانة وتعبانة وبتذاكر الله إيه ، "بتنده ع العاملة " تعالي اعملي شاي " بتسألني شايك إيه؟!

مش عارفة اشكر حضرتك إزاي والله ؟!

لأ يا بنتي متشكرنيش أنتم بناتي و" بتطبطب ع راسي "

جالي الشاي وماية ساقعة وكل إللي كان عايز ماية جاله ع حسي وعم الفرح والسرور والطراوة والكيف وحاجة آخر دلع.

كنت عايزة اعيط من كتر الإمتنان لفرط لطفها معايا في وقت أنا عايزة كل إللي حواليا يرفقوا بيا ويكونوا حنينين وهينين والله .