رئيس التحرير
محمود سعد الدين
NationalPostAuthority
الرئيسية حالا القائمة البحث
banquemisr

"خطفني عشان يعالجني".. أحمد عزمي يكشف موقف باسم سمرة بعد علمه بإدمانه

أحمد عزمي
أحمد عزمي

كشف الفنان أحمد عزمي، تفاصيل أزمته مع الإدمان وموقف الفنان باسم سمرة معه خلال تلك الفترة الصعبة.

وقال الفنان أحمد عزمي خلال لقائه ببرنامج "واحد من الناس" الذي يقدمه الإعلامي عمرو الليثي بقناة "الحياة": "موضوع الإدمان معايا بدأ بالكحول، أول طريق الإدمان اللي خلاني أبقى أعتمد على أي حاجة تبعدني عن واقع أنا رافضه".

واستطرد: "باسم سمرةكنا بنشتغل كتير مع بعض وفي في فترة شك إني مدمن كوكايين، فجالي البيت هو وهشام أخوه وابن عمه وخطفوني وقال لي تعالَ بس معايا وخدني عنده لمدة 4 أيام، وقال لي أنا عايز أتأكد لإني سامع عنك إنك مدمن كوكايين وأنا عايز أتأكد إنك كويس فقلت له طب كويس بس أنا مدمن كحول، بس الفكرة إن فيه أوقات ببقى عايز أهرب عن كل الناس بما فيهم الأهل ومراتي وابني آدم اللي كل حاجة في الدنيا، وأنا أخدت قرار إني أبعد عن ابني لإني كنت محتاج صدمة إلهية ودا اللي حصل من القبض عليَّ ودخولي السجن 6 شهور ودا كان فرصة إني أبص على نفسي من برة وأشوف الحاجات اللي كنت ممكن أقف عندها".

تم نسخ الرابط