أحمد العوضي: مستحيل أمد إيدي على السوشي والأكل الهندي بحس أني عملت مصيبة

كشف الفنان أحمد العوضي الصعوبات التي واجهته أثناء العمل مع زوجته الفنانة ياسمين عبد العزيز في مسلسل "ضرب نار"، ومسلسل اللي مالوش كبير.

وقال الفنان أحمد العوضي، خلال لقائه في برنامج صاحبة السعادة مع الفنانة إسعاد يونس: مش واخدين قرار إننا نكون ثنائي، حسب الموضوع اللي قدامنا، ولما عملنا اللي ملوش كبير ونجح حبينا نوثق النجاح ده بضرب نار وممكن السنة الجاية منبقاش مع بعض ورمضان اللي بعد نرجع وهكذا.

مسلسل اللي كلوش كبير

وقال أحمد العوضي: كان لينا هدف أنا وياسمين إننا نقدم حاجة حلوة، ومسلسل حلو عشان الناس مستيانا بعد اللي ملوش كبير، وجت من هنا فكرة ضرب نار، والشغل مع نجمة بحجم ياسمين عبد العزيز سهّل عليا، وإنما الصعوبة إنها مراتي، مبنعرفش نفصل بس سهولته أحسن من صعوبته لأننا واخدين على بعض وبنكمل بعض وبناخد بالنا من الشغل، ولو فيه خلاف في الشغل اللي بيقنع التاني يكسب، ممكن حد فينا يعند.

واختتم أحمد العوضي حديثه عن حبه الكبير للطعام خاصًة اللحوم، قائلًا: أنا لحمجي، أي حاجة فيها لحمة تمام كبدة تمام، ومليش في المحاشي، وياسمين بتحب السوشي ولو كلت السوشي والأكل ده أحس إني ارتكبت جريمة، يعني آكل عكاوي، كوارع، لحمة رأس، فتة، أنما سوشي والحاجات دي بيتاكلوا إزاي أصلا.