عفاف شعيب في ندوة بموقع بصراحة: زمان كان الأهم هو نجاح العمل.. دلوقتي المجاملة غلبت الموهبة 

قالت الفنانة الكبيرة عفاف شعيب على الحالة التى يسودها الفن حاليًا؛ نظرًا لوجود عدد كبير من الفنانين بدون عمل، مشيرة إلى أن يوجد وساطة بالفن وأصبح موجود بشكل ملحوظ.

عفاف شعيب: المجاملة غلبت الموهبة في الوسط الفني حاليًا

وأضافت شعيب، في ندوة بموقع «بصراحة» الإخباري: "الوساطة بقت متواجدة في المجال الفني بدليل إنه يوجد العديد من الفنانين الموهبين والممتازين ولكن بدون عمل".

وعلقت شعيب، على اعتزال الفنانة الشابة ميرهان حسين للفن بسبب قلة العروض الفنية، قائلة: "ميرهان شاطرة جدًا في التمثيل، وأنا اتصدمت من الخبر ده".

وعن طريقة اختيار الفنانين، قالت الفنانة الكبيرة: "كانوا بيحطوا الورق قدام الفنانين ويتم ترشيح الفنانين من قبل المخرجين المؤلفين والمنتجين ومكنش حد يقدر يدخل تاني، لأن انت عايز تنجح عملك مش تجامل الناس".

وتحدثت عن بداية اختيارها في أحد الأعمال الفنية: "أنا ساعتها كنت في اليونان، وأحمد الجزيري عنده مسلسل تاني، ولما عرف يتواصل معايا قالي أنتي فين عايزينك في دور مهم وكله قال إن مفيش غيرك اللي هتعمل الدور ده".

واختتمت حديثها، قائلة: "وبعدها كلمني المخرج إسماعيل عبدالحافظ لما وصلت مصر وطلبت يبعتلي الورق وكنت معجبة جدًا بالدور وتاني يوم الصبح كلمته وقولتله «أنا موافقة».. الدنيا زمان مكنش فنان يُرشح ولا يُجامل لكن الأهم هو نجاح العمل".