10 خطوات .. رضوى الشربيني تنصح متابعيها بنصائح لتطفيش الراجل

تصدرت الإعلامية رضوى الشربيني الترند خلال الساعات القليلة الماضية، على محركات البحث المختلفة وخاصةً محرك البحث “جوجل”، بعد عرض حلقتها التي تحدثت فيها عن أسباب فشل العلاقات العاطفية والتي يكون أغلبها رد فعل عكسي لما تقوم به الفتيات وتبذله من مجهود لإنجاح العلاقة العاطفية ولكنها تتفاجئ بابتعاد حبيبها عنها، حيث تتقدم لمتابعيها ببعض النصائح لهم.

وتحدثت الإعلامية رضوى الشربينى، خلال حلقتها من برنامجها "هى وبس"، عبر قناة cbc سفرة، عن أسباب فشل العلاقات العاطفية والتى يكون أغلبها رد فعل عكسى لما تقوم به الفتيات وتبذله من مجهود لإنجاح العلاقة .

وقالت ساخرة :" لو عايز لبن العصفور اشتريهوله وهو قاعد ملك ميتحركش من مكانه يقوم هو يحبك ويقع فى غرامك ويحس انك مقطعة نفسك علشانه، ولازم تحسسيه انك مش هتقدرى تعيشى من غيره وإن النفس اللى انتى بتتنفسيه دى مرتبط بيه وانك هتموتى من بعده وهتقطعى شرايينك وتنتحرى".

واستكملت قائلة :" خليه يحس قد ايه انتى متمسكة بيه وأن ولائك ليه يقوم يحبك ويقع فى غرامك ويتجوزك، وابقى قابلينى وقولى عليا مبفهمش لو عملتى الكلام دة وقعد معاكى شهرين على بعض".

واستنكرت قائلة :" ازاى اصلا اشوف وافكر ازاى الراجل اللى فى حياتى يحبنى أن شاء الله ما عنه حبنى، اللى يحبنى يحبنى على بعضى بشكلى وطريقتى وبصوتى الهادى أو صوتى العالى وبشغلى وطريقة لبسى، ولازم يعرف أنه هيحب الباكدج على بعضه وساعتها هيتشال فوق الراس، لو مش هتحبنى كدة فى بلايين من الرجالة على كوكب الأرض غيرك يحبونى وهعرف احبهم".

واختتمت قائلة :" مستحيل افكر ازاى ارضى راجل هأأأوو، اللى يحبك يبقى زى ما انتى ياما بوسة كبيرة لبابا ولماما وطنط واحنا مش عايزينه، واى بنت بتعمل العشر حاجات اللى قولت عليهم يبقى تأكدى أنه ماشى ومش هيكمل معاكى".