على خطى ياسمين عز.. 10 خطوات من رضوى الشربيني لتطفيش الراجل من بيته.. اهتمي به وخليه يكلم بنات وهاتي هدايا

قدمت الإعلامية رضوى الشربيني، عدة نصائح للسيدات وذلك على خطى الإعلامية ياسمين عز، بطريقة ساخرة خلال تقديمها برنامجها التليفزيوني.

وتضمنت النصائح الآتي:

-السمع والطاعة ولو قالت متنزليش لازم تسمعي كلامه.. أهم حاجة يرضى عليكي

- تسمحي له يكلم كل البنات اللي هو عايزيهم وهو حر يعمل اللي يعمله

- ألبسي اللي على مزاجه حتى لو مش عاجبك المهم هو اللي مختاره وعاجبه

- لو علق عليكي أنكتخينة شوية أو رفيعه شوية تجري تعملي عملية من سكات

- اقطعي مع كل صحابتك عشان يحس أنه الوحيد اللي في حياتك

-الاهتمام وتكلميه 24 ساعة وتسأليه أكلت شربت صحيت نزلت

- تكوني الطرف اللي بيصالح دايما وتبدأي بالصلح وتجيبي هداياعلى طول

- الجدعنة.. مرمطي نفسك وأعملي كل اللي يحبه حتىلو عايز لبن العصفور

حسسيه أنه الروح اللي بيتنفسه وأنك هتموتي من غيره وأنك متمسكه به

- نفذي دول وأدي دقني لو حبك ولاوقعد شهرين على بعضهم معاكي

تصريحات رضوى الشربيني:

واستنكرت :«ازاى اصلا اشوف وافكر ازاى الراحل اللى في حياتى يحبنى أن شاء الله ما عنه حبنى، اللى يحبنى يحبنى على بعضى بشكلى وطريقتى وبصوتى الهادى أو صوتى العالى وبشغلى وطريقة لبسى، ولازم يعرف أنه هيحب الباكدج على بعضه وساعتها هيتشال فوق الراس، لو مش هتحبنى كدة في بلايين من الرجالة على كوكب الأرض غيرك يحبونى وهعرف احبهم».

واختتمت :«مستحيل افكر ازاى ارضى راجل هأأأوو، اللى يحبك يبقى زى ما انتى ياما بوسة كبيرة لبابا ولماما وطنط واحنا مش عايزينه، واى بنت بتعمل العشر حاجات اللى قولت عليهم يبقى تأكدى أنه ماشى ومش هيكمل معاكى».