حورية فرغلي تنفي مقاضاه نزار الفارس ... ومديرة أعمالي سرقت حساباتي على السوشيال ميديا

علقت الفنانة حورية فرغلي على الجدل الذي أثاره المذيع العراقي نزار الفارس، بعد إعلان خطبتهما سويًا على مواقع التواصل الاجتماعي خلال الساعات الأخيرة.

وقالت حورية فرغلي في مداخلة هاتفية مع الإعلامية انجي انور المذاع على قناة etc أنا نفسيًا مش كويسة، وحاسة إني عايشة في كابوس من أول إمبارح مش حاسة إني عايشة في دنيا حاسة إني في غابة، وده مذيع بقاله أسبوعين بيحاول يعمل معايا لقاء وقالي إنه عراقي، أنا كنت شفت لقائه مع رانيا يوسف مرة، قلتله أوك، قلنا نصوّر في البيت وأنا قلت أوك وساكنة قدام نادي الجزيرة والمنظر حلو، وأنا قلت ده كله بيصوروا وضيف عندي في البيت.

واستكملت حورية فرغلي حديثها قائلة نزار كان عنده خطة مرتب ليها : أولًا الأسئلة اللي جاي يسألهالي أنا مستغربة إنه بيسألها تاني، وهو جاي عنده خطة معينة جاي مرتب لها، وبعد ما خلصنا سألني بتحبي ماجد المهندس وأنا قلتله عادي معرفوش قوي، فقالي هسمعك أغنية وطلب مني أتصور وأرقص معاه، وكل اللي حواليه بيلموا المعدات والكاميرات، ومعرفش مين بيصور، ومرضتش أكسفه ولكن قلتله مش هيبقى حلو أنا طويلة ولابسة كعب وهيبقى منظري مش حلو.

وأضافت حورية فرغلي معبرة عن حزنها الشديد لما تعرضت له: ليه مكنتش صريح معايا؟ إزاي حد يقابل حد بعد خمس دقايق يقوله عايز تتجوزه؟، هو عشان أنا عندي مشكلة في مناخيري يبقى غلبانة بقى ويحصل فيا كدة؟.. هو سألني وقالي أنتي متجوزة قلتله لأ أنا سنجل بقالي فترة كبيرة، ومش فاكرة الكلام ده كان جوه الحلقة ولا براها؟. وأشارت إلي أنها لن تقاضي نزار الفارس ولكن ستقاضي كل من يروج لخبر زواجها منه. ونفت مسوؤليتها عن جميع ما ينشر على حساباتها على السوشيال ميديا ، مؤكدة أن مديرة أعمالها السابقة سرقت جميع الحسابات بحكم عقد سابق بيننا يلزمني بدفع مبلغ ٥٠٠ جنية في حالة طلبي فسخ العقد، لكن الحقيقة اننا تعاونا لإدارة أعمالي ولكننا لم نشعر بارتياح سويا، فاطلبها بفسخ العقد.