نزار الفارس يرد على حورية فرغلي: قالتلي أنا كبرت في العمر وموافقة اتجوز.. والخطوبة متسجلة على الهواء

رد الإعلامي العراقي نزار الفارس، على تصريحات الفنانة حورية فرغلي بشأن تكذيبها خبر خطبتها، مشيرًا إلى أن الخطبة كانت على الهواء.

وقال نزار الفارس عبر خاصية الاستوري بحسابه الشخصي بموقع التواصل الاجتماعي “انستجرام”: قالت معايا في التصوير أنا كبرت في العمر وبعمل عمليات تجميل كتير مفيش حد بيحبني وممكن أتزوج مرة تانية فقولتلها لو طلبت إيدك على الهوا توافقي قالتلي موافقة قولتلها طب جيبي إيدك عشان نرقص مع بعض قولتلها أنا كده خطبتك على الهواء قالت موافقة خلاص أكيد وكلامي كله موثق وموجود.

وأضاف: هي كانت فرحانة بخطوبتنا، وقالتلي بكرا نشوف بعض نتعشى، فاستغربت أنها طلعت تقول كلامك مش حقيقي، أنا شوفتك أنك تعبانة نفسيًا فقدرتم، وهتشوفوا الحلقة، وأنا بحترمها وبقدرها وهي فنانة كبيرة لكن ليه تنفي.

حورية فرغلي تنفي خطوبتها بنزار الفارس

من جانبه كانت قد أعربت الفنانةحورية فرغليعن استيائها الشديد بسبب اعلان الإعلامي نزار الفارس خبر خطبتهما، مشيرة إلى أن ذلك كان من تصوير لقاء خاص له.

وقالت حورية فرغلي في تصريح خاص لـ”بصراحة”: أنا معرفش نزار الفارس وأول مره أشوفه امبارح، وهو اللي كان بيصور حاجات غريبة فاتضح أنه كان بيعمل كده عشان التريند، ويطلع تريند.

وأضافت: مش هقاضيه هو مشتمنيش، هو قال أنا خطبت حورية بس، دي حاجة تافهه بالنسبة ليا، ليه تقول حاجة مش حقيقي، لازم تسمعوا مني الأول.

وواصلت: الحلقة لما تتذاع هيبان اللي هو كان بيعمله كله كذب، معنديش مشكلة تتعرض أو لا مفيش مشكلة، دي بلد تانية عايز يعرض يعرض، هو أنا هصوم أصوم وبعدين هفطر على بصلة كفاية اللي مكفيني.