حورية فرغلي تنفي أنباء خطبتها عبر «بصراحة»: هو أنا يعني هصوم أصوم وبعدين هروح أفطر على بصلة

أعربت الفنانة حورية فرغلي عن استيائها الشديد بسبب اعلان الإعلامي نزار الفارس خبر خطبتهما، مشيرة إلى أن ذلك كان من تصوير لقاء خاص له.

وقالت حورية فرغلي في تصريح خاص لـ”بصراحة”: أنا معرفش نزار الفارس وأول مره أشوفه امبارح، وهو اللي كان بيصور حاجات غريبة فاتضح أنه كان بيعمل كده عشان التريند، ويطلع تريند.

وأضافت: مش هقاضيه هو مشتمنيش، هو قال أنا خطبت حورية بس، دي حاجة تافهه بالنسبة ليا، ليه تقول حاجة مش حقيقي، لازم تسمعوا مني الأول.

وواصلت: الحلقة لما تتذاع هيبان اللي هو كان بيعمله كله كذب، معنديش مشكلة تتعرض أو لا مفيش مشكلة، دي بلد تانية عايز يعرض يعرض، هو أنا هصوم أصوم وبعدين هفطر على بصلة كفاية اللي مكفيني.

آخر أعمال حورية فرغلي

جديرًا بالذكر كان مسلسل “أيام” آخر أعمال حورية فرغلي وشارك في بطولته العديد من نجوم الفن أبرزهم:شيرى عادل، أحمد صفوت، سلوى خطاب، ميدو عادل، محمود حجازي، رياض الخولي، ندى موسى، مي القاضي، حجاج عبد العظيم، لقاء سويدان، سماح السعيد، حنان يوسف، صفاء جلال، محمد دسوقي، محمد مغربي.