هرفع عليه قضية.. حورية فرغلي تُكذب خبر خطبتها للإعلامي نزار الفارس

نفت الفنانة حورية فرغلي خبر خطبتها من الإعلامي العراقي نزار الفارس، مشيرة إلى أنها لن تترك حقها وسترفع عليه قضية.

وقالت حورية فرغلي عبر برنامج “صبايا الشمس”:أنا بقيت بخاف من البرنامج بتاع نزار، ودي كانت تصوير حلقة وكنت قاعدة مع مامتي والكلب بتاعي وقعدنا نصور.

وأضافت:الرقصة دي كانت أغنية لـ ماجد المهندس فقومت أرقص ودي مش في أوصة لوحدي كان فيه مصورين،أنا مكنتش فاهمة هو بيعمل كده ليه فقولت اسيبه براحته، ومكنش بيكلمني غير وإحنا بنتكلم في البرنامج .

وواصلت:أنا متخطبتش لنزار ولا أي حد وهرفع عليه قضية لو هو خطبني شاف أبويا شاف أمي خطبني من نفسي هو؟،ده بيهزر وكل الكلام كان في التصوير، بس ليه بتعملي مشاكل مع أهلي، هو في حد بيتجوز واحد قبل ما بيشوفه أنا لسه شايفاه امبارح.

وأختتمت حورية فرغلي قائلة:هو عمل كده عشان يبقى تريند، أنت جاي عايز تعمل تريند بس حسبي الله ونعم الوكيل فيك، هرفع عليك قضية رد شرف أفرض أنا كنت متجوزة في السر.

خطوبة الفنانة حورية فرغلي

وكانت قد قالتريهام سعيد:قبل 4 سنوات تقريبا كان الإعلامي العراقي نزار الفارس كان حصل هجوم مش هجوم هو حوار one to one، اللي لفت نظري إن نزار تعامل مع الأمر بحرفية رهيبة، لو تفتكروا هو اللي هاجم الفنانة رانيا يوسف في وقت من الأوقات وانا كنت متضايقة من الهجوم عليها.

وأضافت:قالنا خبر لطيف جدا وبشكره أنه خصنا بيه وهو خطوبته على الفنانة حورية فرغلي وده خبر لطيف جدا جدا بعد ما مرت بأوقات مش لطيفة كتير مبسوطة ليها جدا، هي إنسانة جميلة ولطيفة فكرة يكون بداية جديدة وحياة جديدة.