"هنا بتحب جديد".. شيرين عبد الوهاب تكشف لجمهورها سر ابنتها بحفل جدة

تداول رواد مواقع التواصل الاجتماعي فيديو للفنانة شيرين عبد الوهاب من حفلها الذي أحيته أمس في مدينة جدة بالمملكة العربية السعودية، وظهرت في الفيديو وهي تمازح الجمهور قائلة: "هغني الاغنيه دي علشان انتوا بتحبوها وبنتي هنا بتحبها، لانها بتحب جديد".

إيهاب صالح يعلن انفصاله عن إدارة أعمال شيرين عبد الوهاب

وكان قد أعلن إيهاب صالح انفصاله رسميا عن إدارة أعمال الفنانة شيرين عبد الوهاب من خلال بوست نشره عبر حسابه الرسمي بموقع “تويتر”.

وكتب إيهاب صالح: “جمهور شيرين العظيم، الحمد لله على نجاح حفل جدة كما كان متوقع وده العادي بتاع شيري في أي حفلة... أجلت الإعلان بالقرار ده لحد بعد الحفلة، وحابب أشكركم جدا على كم الدعم الرهيب في خلال الفترة اللى فاتت ليها في المقام الأول، وطبعا بعد كدة ليا”.

وتابع: “قررنا إن من الأفضل لينا إن نحط صداقتنا والعشرة قبل أي حاجة، وإني ابتعد عن إدارة أعمالها، وده أكيد لمصلحة الطرفين ولينا أسبابنا، مبروك وشكرا يا شيري من كل قلبي ويارب أكون كنت على قد وعدي.. وكلمتي ليكي إنى دايما في ضهرك، والحمد لله الدنيا دارت من أول وجديد وتكسري الدنيا، حفلة بعد حفلة وخلاص أهو الالبوم على أبواب، ومتأكد إنه هينجح نجاح غير عادي”.

واختتم : "فرحان بشكل ملوش وصف بنجاحك ورجوعك بالقوة دي، وده إللي اتعودنا عليه منك طول السنين دي، أنا كدة كدة دايما موجود زي مانتي عارفة، وربنا يديم كل اللى بينا على خير، وآسف لو في أي لحظة كنت قصرت معاكي بأي شكل.. أحب أشكر كمان جمهورك، أكيد اللي مشوفتش منه غير كل خير وحب، شكرا بجد من كل قلبي، طبعا وأكيد شكر كبير لسيادة المستشار تركي آل الشيخ (أبو ناصر) على كم الدعم الكبير منه، بمجرد إنه شاف صورة رجوعك للاستوديو وقد إيه كان مهتم بشيرين، ومقدر قيمتك وتقديرك بشكل يليق بيكي، صوت إحساس العرب وده مش غريب عليه، ودايما في ضهر كل الفنانين العرب كدة كدة، دي شهادة حق لازم تتقال".