فريدة سيف النصر تدافع عن محمد فؤاد: هو كل اللي قالوا عن السعودية صح

حرصت الفنانة فريدة سيف النصر، الدفاع عن المطرب محمد فؤاد والهجوم الذي تعرض له بعد كلامه الذي قاله بحفله الغنائي بالمملكة العربية السعودية.

وكتبت فريدة سيف النصر، عبر حسابها الشخصي على موقع التواصل الإجتماعي فيسبوك،قائلة: لله حسابات أخرى يا فؤاد يا محترم.. ما كفاية بقى يا جماعه تنمر وتنظير وتصيد أخطاء كفايه نذبح فنانيين كبار علي كلمه مجامله اتقالت وهي صح عندهم أخلاق وحسن استقبال وكرم.

فريدة سيف النصر وحفل محمد فؤاد

وتابعت: أنا لا بأغني ولا بطبل ولا انفع في العمر المحترم ده اعمل استعراض أو حفله باقول الحق ومش معني اشكر في بلد يعني بلدي لأه عمر دياب اكتر واحد بيجامبل بس مش بالميكروفون وهما يتجاملوا بيشغلوا الناس اللي نسيناهم احنا لظروفنا مفيش حفلات.

وأضافت: هما السعودية دي مش عرب زينا ولا احنا لازم نقلب الدنيا علي بعضها..فؤاد محترم واللي في قلبه علي لسانه مايستاهلش كده..ولو كل واحد يلوم نفسه ويعاتبها علي تصرف علي صوره او اي قرف مش هايتكلم علي غيره ..إنسانيا بقاله كتير ماشتغلش وكان مريض..مين عارف عملوا معاه ايه..خلصنا بقي هو لا بنرحم ولا يعجبنا رحمة ربنا بعباده كفايه بهدله في بعض..عيب ياحبايبي عيب.