حنان سليمان: مفيش راجل ناجح من غير ست وقفت جنبه

قالت الفنانة حنان سليمان، إن المرأة يجب أن تتراجع خطوتين للخلف، لأنها أصبحت متصدرة المشهد، مشيرة إلى أنها لا تحب مطالبات المساواة بين الرجل والمرأة.

وأضافت حنان سليمان خلال لقائها ببرنامج «نجوم إف إم»، مع إنجي على: «أنا وجهة نظري دلوقتي ممكن تتغير، بس دلوقتي شايفة إن الست تتراجع خطوتين لورا، هي متصدرة المشهد، ودا عامل مشكلة، تحسي إن الراجل خد القاضية، وده مش عدل».المساواة بين الرجل والمرأة

وتابعت: «مش موافقة على المطالبات بالمساواة، لأن مفيش مساواة، وليه مساواة؟.. أنا قائم بذاتي أنا مهم، وهو قائم بذاته ومهم، وإحنا الاتنين مهمين لبعض وبنكمل بعض، مفيش راجل ناجح بدون امرأة وقفت بجواره تدعمه وهيأت له وضع النجاح، ودي مهمة كبيرة، إنتي اللي بتصنعي نجاحه، مهمة الست كبيرة جدًا، مش بالضرورة تكون هي اللي على الشاشة، دي وجهة نظري.. وبعتذر لو ضايقت حد».

واختتمت: «هتساوى بإيه.. هو يا حرام من غيري تعبان، دا أنا مهمّة جدًا، ليه حاسة إني قليلة؟، الست عندها إمكانيات أوسع، قدرتها على التحمل والاستيعاب والصبر، والراجل معندوش خُلق ومرارة».