عمرو أديب: هقلل الأضحية وأوزع فلوس على الناس هما محتاجينها أكتر

علق الإعلامي عمرو أديب، على ارتفاع سعر الأضاحي واللحوم مع قرب عيد الأضحى المبارك، وذلك خلال برنامجه «الحكاية»، عبر فضائية «MBC مصر»، مساء الإثنين.

«عندي رأي لا يستند لشيء فقهي، إنما أنا هعمل كده، النهارده العجل سعره من 70 إلى 90 ألف جنيه، لو عايز أعمل عدد من العجول أو الخرفان أنا ناوي أقلل عدد اللحمة وأعمل الأضحية بتاعي، والباقي أديه فلوس للناس».

وتابع: «أنا لا ألزم أحد بهذا، لكن اللي ما يشوفش من المنخل يبقى أعمى، الأضحية في النهاية جزء كبير منها بيضيع، مثلا لو نصيبه من العجل 400 جنيه هو أكيد محتاج الفلوس دي أفضل من اللحمة عنده علاج ومدارس وغيرها».

وأكمل : «في أوقات الأزمات، الناس محتاجة الفلوس أكثر من اللحمة، أنا رأيي كده، وبالنسبة للأضحية هنضحي، أنا أعمل كده، هذا الأمر هيقلل الضغط على طلب اللحوم وهيقلل السعر، أعمل بـ10 آلاف جنيه أضحية، والباقي 80 ألف أديها للناس في إيديها.. أنا عارف الشتيمة اللي هاخدها، أنا مش بيتكلم في الدين أنا بتكلم في الإنسانية والبلد».