بعد مهاجمتها للشعب المصري.. سماح أنور: مكنتش هبقى أي حاجة لولا مصر وشعبها

اعتذرت الفنانة سماح أنور للشعب المصري بعد مهاجمتها من خلال البث المباشر الذي أثار الجدل الجمهور لاعتراضهم على بعض الأعمال الفنية.

ونشرت سماح أنور مقطع فيديو خلال تواجدها في مسرح نقابة المهن التمثيلية برفقة الدكتور أشرف زكي، اعتذرت خلاله للشعب المصري، وقالت إنها لم تكن تقصد الإساءة ونجاحها خلال مسيرتها الفنية كان بدعمهم.

اعتذار سماح أنور

وقالت سماح لـ أشرف زكي: بشكر حضرتك لوقوفك جنبي في سوء الفهم ده، بشكر كل الناس اللي تفهمت موقفي، وبالنسبة للناس اللي فهموا موقفي غلط أحب أوضح أنا ست مصرية وأهلي مصريين، ومصر دي لها عليا كتير ومكنتش هبقى أي حاجة لولا مصر وشعبها.

أضافت: كان عندي مشكلة شخصية، تخص والدي ووالدتي، وعملت بث مباشر وكنت منفعلة تجاه الناس اللي سبب المشكلة، والموضوع اتفسر بشكل غلط، أحب أقول جملة واحدة بس.. مصر وشعب مصر خط أحمر

سماح أنور تهاجم الجمهور المصري

وقالت سماح أنور خلال بث مباشر لها عبر حسابها بموقع فيس بوك: الشعب بيكره الفنانين وبيشتمهم وبيبصلهم بصة دنيئة، وده مش بيهم الفنان لأنه بيبدع عشان يتبسط ويبسط الناس واللي مش سعيد بيهم يولع، إحنا كفنانين مش بنعمل الفن عشانك، إحنا بنعمله عشاننا إحنا وعشان خاطر موهبتنا اللي ربنا خلقنا بيها.

وتابعت سماح أنور، مناشدة وزارة الثقافة استكمال عملها بنشر هذه المبادرة واستمرارها، قائلة: مهما الدولة عملت في البلد عشان ترتقي بيها مش هتعرف طول ما في ناس مش عايزين حاجة حلوة تحصل في البلد، وأنا بالنيابة عن أولاد الفنانين الراحلين برجو وزارة الثقافة تكمل في مبادرة عاش هنا، ولو جمهوري وقف ضدي مش عايزة جمهور.