محدش وقف جنبي في أزمتي .. تامر حسني تخلى عني بعد عمر وسلمى..أشرف زكي من أكتر الناس اللي وقفوا معايا.. القصة الكاملة لإنهيار مروة عبد المنعم من البكاء على الهواء

تحدثت الفنانة مروة عبد المنعم عن الأشخاص الذين تخلو عنها في محنتها أثناء الفترة التي ابتعدت فيها عن الفن .

وانهارت الفنانة مروة عبد المنعم من البكاء على الهواء خلال استضافتها في برنامج “ قعدة ستات” الذي يذاع على شاشة “ القاهرة اليوم”، الذي تقدمه الإعلامية مروة صبري، حيث قالت:” كنت لسه بقول لبنتي مش عارفة أنا صرفت عليكم طول السنين اللي فاتت دى إزاى؟.. بس بتمشي “.

وأضافت مروة قالة: “ أنا وقفت جنب نفسي محدش وقف جنبي، طبعًا بعد ربنا، ربنا ده عظيم وكريم، بقعد ساعات أقول أنا بصرف السنة دى إزاي.

واستكملت مروة عبدالمنعم حديثها: “ أشرف زكي وقف معايا، إدوارد كان وقتها معايا، ومكنش كتير، ودول اللي كانوا اقفين معايا، ومش هقول مين اتخلى عني، وفي ناس استنيت إن هما يبقوا معايا ومزعلني أوي ومش عايز أقول مين، ومكنوش صحابي أوي وعلى الأقل في بينا عشرة من الوسط الفني، ولما أقابلهم في لوكيشن بيقوليلي إيه الأخبار وبيسألوا عليا، وبقول الأسماء في الحاجة الكويسة”.

وتابعت: “وأشرف زكي وقف معايا جامد جدًا بصراحة، ومن أكتر الناس اللي وقفوا معايا، كنت متخيله إن تامر حسني يسأل عليا، وخاصًة كان لسه في عمر وسلمى حصله موقف وروحتله مع إني لسه مكنتش صاحبته، والناس اللي بينا عشرة شغل فقط مسألوش عليا، إحنا مش عشرة خروج، وتامر من الناس اللي قريبة مني، ومبعتش رسالة ولا كلمني، أحمد صفوت من الناس اللي وقفوا معايا، وأحمد زاهر وقف معايا في حاجات كتير جدًا”.

برنامج قعدة ستات

برنامج «قعدة ستات» تقدمه الإعلامية مروة صبري على شاشة «القاهرة اليوم» السبت من كل أسبوع وتستضيف خلاله عددًا من نجوم الفن والمشاهير.