رانيا يوسف: بناتي أوبن في اللبس خالص بيحبوا القصير والمفتوح.. وعادي أقع في غرام حبيب صديقتي

كشفت الفنانة رانيا يوسف العديد من الأسرار في حياتها الشخصية، مشيرة إلى أن أولى جوازتها هي الوحيدة الناجحة، والباقي لم ينجح بسبب الخلافات.

وقالت رانيا يوسف خلال لقائها ببرنامج The Blind Date Show: أول جوازه في حياتي هي الوحيدة اللي كانت ناجحة لكن المرتين التانين مكنوش ناجحين وجوزي الاخير كان عقرب وبرج العقرب ده بقى غامض وبيكذب كتير.

تصريحات رانيا يوسف

وأضافت: لسه عندي أمل في الجواز الجوازة الأولى قعدت 6 سنين،ووراد جدا أحب الصديق السابق لصاحبتي، لكن حسب هو وصاحبتي منفصلين من فترة طويلة أو قصيرة، ولو حصل أول واحدة هقول لها صاحبتي ومن بداية العلاقة، لكن لو منفصلين قريب مش هفكر فيه، والدنيا مش هتقف عليه.

وعن بناتها، قالت رانيا يوسف: ولادي بيختاروا معايا لبسي، وهما أوبن في اللبس بيحبوا القصير والمفتوح، وعلاقتي بأبو ولادي مش كويسة خالص، بعكس علاقتي مع جوزي الأخير.

رانيا يوسف تثير الجدل

وكانت قد علقت الفنانة رانيا يوسف، على إطلالتها التي ظهرت بها خلال الفترة الماضية، والتي وصفها البعض بـ «المثيرة للجدل».

وقالت خلال استضافتها في برنامج «العرافة»، المذاع عبر فضائية «المحور»، تقديم الإعلامية بسمة وهبة، مساء الجمعة: «فستان البطانة بالنسبة للدول اللي برة مش عريان.. ووقتها أنا غلطت وكان سوء تقدير مني.. أنا بلبس اللي بيناسب جسمي واللي بيليق علي».