رضوى الشربيني: بعد فيديو "بلوك بلوك" بناتي اتنمر عليهم في مدرستهم وافتكرت أني اتفضحت

كشفت الإعلامية رضوى الشربيني، عن كواليس الحلقة الشهيرة التي نصحت خلالها إحدى الفتيات بعمل “بلوك” لخطيبها السابق بعد تخليه عنها، موضحة: ” الفيديو ده غير حياتي وحسسني بالمسئولية”.

قالت “الشربيني” خلال برنامج “هي وبس” المذاع عبر شاشة “cbc سفرة”، إن هذه الحلقة كانت سبب معرفة الجمهور العربي بها، وأنها لم تكن تتخيل أن هذا الفيديو سيكون سبب في شهرتها ونجاحها، وأن هذه الحلقة كانت بداية الهجوم على المضمون الذي تقدمه، موضحة: “كم الهجوم كان مش طبيعي لدرجة إني خوفت، وطلبت من الإدارة إني أخد أجازة لأني حسيت إن في حاجة غلط”.

أوضحت أن هذا الفيديو أثر على بناتها أيضا، موضحة: “كانوا بيقولوا لهم مش أنتوا مامتكوا بتاعت البلوك”، مؤكدة أنها شعرت أنها السبب في التنمر على بناتها وسوء سمعتهم على حد تعبيرها، وأنها منعتهم من الذهاب من المدرسة، مضيفة: “قفلت على نفسي الباب والتليفونات وقعدت أعيط وكنت متخيلة أن الفيديو ده عملي فضيحة”.

تابعت: “لكن البني أدم بيشوف دايما الأشياء من منظوره.. وعسى أن تكرهوا شيئا وهو خيرا لكم.. كرهت ده جدا ساعتها وحسيت أن الناس بتتكلم عليا وأنا مش متعودة وأن الرجالة هتكرهني والستات هتكرهني وإني فشلت فشل ذريع”.

أكدت: “كنت دايما يقول يا رب مش عايزة اتشهر.. عايزة الستر والصحة وشوية فلوش اعرف اصرف بيهم على نفسي وعيالي.. يا رب مش عايزة أصلا ابقى غنية.. الفيديو ده غير حياتي وحسسني بالمسئولية.. وبقيت أقول يارب خليني استغل شهرتي في إني أقدر اساعد غيري وخليني سبب يمكن أعرف أخش بيه الجنة”.

اختتمت: “اتقلبت حياة رضوى الشربيني وشخصيتي اختلفت تماما وطريقة تفكيري بقت مختلفة.. البرنامج كله راح في حته تانية”.