محمود حميدة عن استبدال ببيومي فؤاد به في مطرح مطروح: محدش قالي الموضوع ده لو كنت عرفت كنت مشيت

كشف الفنان محمود حميدة على عدم علمه بأن تم استبدال بصديقه بيومي فؤاد في فيلم «مطرح مطروح»، مشيرأ أنه تم اخفاء عنه الأمر حتى لا أعتذر عن العمل.

وقال محمود حميدة وأضاف خلال لقائه ببرنامج «The Insider»: أنا موقفي في الحاجات دي ثابت من زمان، ولو أنا كنت أعرف الموضوع ده مكنتش هوافق على العمل، والمخرج وائل إحسان، قال لي أن هو عرف وهو في نص العمل الموضوع الخاص ببيومي فؤاد وهو خاف يقولي لمكملش الفيلم».

وتابع حميدة: طبعا أنا معرفش أنا كنت هعمل إيه ساعتها، بس في المواقف دي طبعا برفض، ولو عرفت الحكاية دي وخصوصًا إذا كانت هتسبب ألم، لأن عمري في حياتي ما عملت كده.

واستكمل: كنت دايما لما طلعت كنت بعمل لأحمد زكي ومحمود عبدالعزيز وفاروق الفيشاوي، ولما كان بيحصل موضوع زي ده ويقولولي العمل ده كان المفروض يعمله فاروق بس انت هتعمله اسالهم فاروق عرف يقولوا آه أقولهم كلموه.

بيومى فؤاء في أنا والقناع: السبكي غدر بيا

يذكر أن الفنان يومي فؤاد تحدث في برنامج «أنا والقناع»، أنه تعرض للغدر من المنتج محمد السبكي، وأدى ذلك لارتفاع ضغط عينه بطريقة خطيرة، قائلا: «محمد السبكي يعلم هو عمل إيه أعطيته فيلمي، وناس كتير وجامدين طلبوا مني يعملوا الفيلم لكن أنا فضلته، ولما المؤلفين اشتكوا من الأجر دفعت لهم من جيبي ليقبلوا التوقيع، بعد توقيع المؤلفين جاب محمود حميدة يعمل فيلم مطرح مطروح مكاني، لما سمعت الخبر ضغط عيني وصل فوق 50 والطبيعي 20، وكان لازم أعمل عملية».