رضا عبدالعال: «أوسوريو بيضحك علينا ومستوى الزمالك من سيئ لأسوأ»

أكد رضا عبد العال لاعب الأهلي السابق، إن إستمرار الكولوميي خوان كارلوس أوسوريو في تدريب الزمالك فسيكون الفريق من سيئ لأسوأ، ولا بد من رحيله.

أوسوريو لازم يمشي

وقال رضا عبد العال في تصريحات تليفزيونيه ببرنامج “البريمو” عبر قناة “Ten”:”الزمالك مع أوسوريو من سيئ لأسوأ، الله يكون في عون جماهير الزمالك، كده كده إيدك والأرض من اللعيبه حتى زيزو بيشحت كره، والمدرب في التوهان وفالح بيأكل لبان وقاعد على الدكه، هم راميين الفوطة، ولازم المدرب يمشي”.

وتايع:” أوسوريو بطل كدب، انت بتلعب بطريقه غلط لو جبت حد من جمهور الزمالك كان عمل تشكيل أحسن من منك، وبتألف وبتلعب بدون باك رايت وعبد المجيد ديفيندر وهو مبيعرفش يباصي”.

وشدد عبد العال: “انت بتضيع شيكابالا وتاريخه بلعبه كل المباراة، ده يلعب 10 دقائق أو ربع ساعه، اوسوريو بيضحك علينا”.

وأختتم:” يحمد ربنا إنه مراحش السوبر كان وقتها لعب زيزو مكان صبحي، بيلعب نداي باك رايت ليه؟ ايه الميزه، هو عمل سمك لبن تمر هندي”.