بسمة وهبة عن بكائها خلال لقائها مع محمد فؤاد: كانت حركة ندالة منه لأنه عارف نقطة ضعفي

كشفت الإعلامية بسمة وهبة عن سر بكائها خلال لقائها معه ببرنامج العرافة التي قدمته خلال الماراثون الرمضاني السابق 2023.

وقالت بسمة وهبة خلال لقائها مع “et” بالعربي: كانت حركة ندالة جدا من محمد فؤاد ومن اللي شغالين في البرنامج، عارفين إن أنا نقطة ضعفي ولادي، من ساعة ما انفصلت عن والدهم وهم صغيرين وعايشين مع والدهم في بلد تانية.

وأضافت: أنا مت من يومها بس من غير ما اتدفن، والأغنية دي كان قهر وعذاب ليا، وفؤاد غناها عشان ينكد عليا ويكسرني قبل الحلقة، البرنامج كله غدر بيا.

بكاء بسمة وهبة مع محمد فؤاد

وكان قد داعب الفنان محمد فؤاد، الإعلامية بسمة وهبة في بداية حلقة اليوم من برنامجها العرافة، بعدما سألته "جاهز؟".

ورد عليها "فؤاد"، خلال حواره مع الإعلامية بسمة وهبة مقدمة برنامج "العرافة"، على قناة "المحور"، وقال: "أنا جاي وعمال أقرأ قرآن عشان ربنا يهديكي ولو غلطتي معايا.. ده تهديد على الهواء، اللي قدامكم دي أوطنة وعاملة 7 رجالة، وكل الكلام ده هتش، انا عارف نقطة ضعفها وهوريهالكم دلوقتي، أنا هفرجكم عليها دلوقتي".