هاني محروس بعد انتهاء أزمته مع خالد الفايد: بشكرك عشان خليتني أحس أن كل الناس بتحبني

وجه المنتج هاني محروس رسالة لكل النجوم والمشاهير المساندين له في أزمته مع المطرب المعتزل خالد الفايد، مشيرًا أن الله سخر له الناس للرد على جميع الاتهامات.

وقال هاني محروس في فيديو له عبر حسابه الشخصي بموقع فيسبوك: بشكرك يا خالد عشان خليتني أحس أن كل الناس بتحبني وعارفة مين هاني وأني معملش أي حاجة من اللي أنت قولتها الحمد لله ربنا سخر ليا كل الناس تتكلم عني بالخير.

وأضاف: لو أنت يبني حاولت تبين حاجة محصلتش فهي بردوا ظهرت فبشكر ربنا أن أنا على حق وإني مغلطش في حد، وأحلى حاجة في الدنيا أنام وأصحى الاقي كل الناس كاتبة عني كلام حلو يفتح نفسي على الدنيا وعلى شغلي تاني ويتأكد أن في الحياة خير.

وواصل: فضل وعدل من ربنا الاحساس اللي أنا فيه نعمة أنا مستهلهاش، وبشكر ربنا أنه دايمًا بيسخر الناس للناس والحمد لله ربنا سخر ليا كل الناس تتكلم عني.

انهاء خلاف هاني محروس وخالد الفايد

وكان قد أعلن نجم ذا فويس كيدز المعتزل خالد الفايد عن تصالحه مع المنتج الفني هاني محروس، مشيرًا أنه سوف يتم تسجيل القران الكريم.

وكتب المطرب المعتزل خالد الفايد عبر صفحته الشخصية «فيسبوك»: الموضوع بيني وبين استاذ هاني محروس اتحل وان شاء الله مفيش اي حاجه وشكرا جدا لاستاذ هاني انه تفهم الوضع وقال مفيش حاجه خلاص ومش هعمل اي حاجه وربنا يقدم الخير.