بالفيديو..  خالد الجندي: لولا ضوابط وزير الأوقاف الحاسمة لاستمرت فوضى المساجد والمنابر

قال الشيخ خالد الجندي، عضو المجلس الأعلى للشئون الإسلامية، إنه لولا الضوابط الحاسمة التى أقرها وزير الأوقاف محمد مختار جمعة، لاستمرت فوضى المنابر والمساجد، مضيفا: "كنا بنشوف مهازل تلاقى إمام واقف على المنبر وآخر تحت ده بيقول وخطبة والتانى فى نفس الوقت بيخطب، والناس بتضحك عليه، غير الخناقات على من يخطب".

وتابع الجندي، خلال حلقة برنامج "لعلهم يفقهون"، المذاع على فضائية "DMC"، اليوم الخميس: "والله العظيم لولا الضوابط الحاسمة التى أٌرها الوزير، لكنا استمرينا فى المهازل الموجودة، قبل كده، ده فى ناس بطلت صلاة بسبب المشاكل دى والمهازل، اللى كانت بحصل أثناء خطب الجمعة، دلوقتى انتظمت الحركة الدعوية".

واستكمل: "دلوقتى تدخل المسجد تلاقى إمام المسجد المعروف بالإمام الراتب، هو قائد المسجد، هو اللى يحدد مين يعمل إيه هو اللى يخطب ويأم الناس فى الصلاة، ولو مش موجود بيحدد مين اللى يقوم بمكانه، خلاص انتهت المهازل اللى كانت بتحصل".