محامية زوجة حسن شاكوش: سألته انهاردة في التحقيق وقال إنه مكنش يعرف بزواج مراته المرة الأولى

أكدت هايدي الفضالي محامية ريم طارق زوجة حسن شاكوش، أنها ستقاضي شقيق مطرب المهرجانات، بعد أرسل لـ موكلتها ووالدها العديد من التهديدات والشتائم..

وتابعت هايدي الفضالي خلال مداخلة هاتفية مع الإعلامية أميرة بدر ببرنامجها "ملفات"، المذاع على شاشة "هي": كان في إبتزاز بالحقوق، لموكلتي، ولفق ليها سرقة وتوزير، قال إن هو خرج وسرقت مبلغ مالي، كل إدعاء له مذكرة هتتقدم بالدليل المضاد، ولو هي عملت كده ينفع يطلع يقول على مراته كده.

محامية ريم طارق: اي كلام عن ريم هيبقي وش حسن شاكوش

واستكملت محامية ريم طارق زوجة حسن شاكوش: على فكرة لغاية امبارح بليل ريم بتقول إزاي المذكرة مكتوبة فيها كده، وطردها من غير هدومها التانية وكانت لابسة طبعًا، واللي عمل كده يعمل أي حاجة، محدش طبيعي يطرد مراته من البيت، مش ملف حسن وريم بس، وهي دلوقتي عرضه، تخصه أكتر ما تخص أبوها، الكلام اللي بيتقال ضده هو.

واختتمت هايدي الفضالي حديثها: أنا انهارده سألت حسن في التحقيق سؤال مباشر هل هو كان عارف إن هي متزوجة قالي لا، والقصة باينة للأعمى، ده كلام يتقال حتى، هاخد إجراء ضد شقيق حسن شاكوش، علشان بعت شتايم تهديد لها ووالدها، مباحث الإنترنت هياخده فلاشة فيه شتيمة لحسن وريم ونص نساء مصر.