طليقة صاحب تريند «من يؤتمن على العرض لا يسأل عن المال».. تستغيث: طلقني ورماني فى الشارع ومش عارفه اخد حقى

بعد تريند "من يؤتمن على العرض لا يسأل عن المال.. اتق الله فى كريمتنا"، العبارة التي فاجأ عصام علي موظف بالمعاش بمحافظة الإسكندرية خطيب ابنته أثناء عقد القران بإعفائه من قائمة المنقولات الزوجية وذلك لما يحمله من مشاعر صادقة لابنته وخطيبها من أجل سعادتهما، ظهرت طليقة الزوج في حوار خاص مع موقع بصراحة لتوضح الخلافات بينها وبين طليقها.

طلقني ورماني فى الشارع ومش عارفه اخد حقى

السيدة وردة طليقة صاحب تريند «من يؤتمن على العرض لا يسأل عن المال».. تستغيث: طلقني ورماني فى الشارع ومش عارفه اخد حقى، بعد ما قعدسنه ونصف في بيت أهلي واكل شارب نايم، كان بيتشم في والدتي وبيقول انها اللي خربت بيتنا.

طلبت الطلاق بكل احترام

وأوضحت: «كان دايما في خلفات بينا وإهانات بس عمرها ما وصلت للضرب، ووالدتي كانت دائما تقولي في بينكم ولاد استحملي لحد ما حصل آخر خلاف، طلبت منه الطلاق بكل احترام وعرفته إني مش هقدر أكمل حياتي معاه تاني، كانت النتيجة إنه رفع قضية على أهلي كلهم أمي واخواتي وخيلاني، واتهمهم بسرقة العفش».

إيه ذنب الأولاد من كل دا؟

وقالت: « هنفترض إن انا كنت الطرف السئ إيه ذنب الأولاد، إنهم يتربوا في وسط الصراع دا، وأكدت طلبت منه في الأول أننا ننفصل بكل هدوء واحترام ونحافظ على الأولاد اللي بينا، وأضافت بأنه قامبرفع قضية إنذار طاعة، وفي المقابل قمت برفع قضية طلاق، ونفقة وكسبتهم من تاني جلسة».

ولدتي هتصرف على ولادي ولا على القضايا؟

وأضافت: « انا مش ناقصني حاجة انا كل اللي فارق معايا ولادي، انا مش بشتغل فهل ولدتي هتصرف على ولادي ولا على القضايا اللي بينا، انا مش عايزه منه غير إنه يصرف على ولاده كويس ويشوفهم، دا كان رافع قضية رؤية وبقالي 4 شهور بذهب كل جمعة لمكان الإلتقاء لكنه لم يأتي، وبنتي ذكية وبدأت تسأل احنا جايين ليه؟ طب مستنيين مين؟ واشمعنا كل جمعة؟ دا اخر مرة شاف بنتي لما كان عندها 4 سنين، وميعرفش شكل الولد لو شافه ماشي مع حد غيري مش هيعرفه».

بالإضافة إنه ضرني في بنتي، بنتي كانت في سنة أولى في مدرسة في القاهرة؛ لكنه قام بسحب الملف ونقلها لمدرسة في الإسكندرية وضيع من عمرها سنة.