جومانا مراد: اللهجة المصرية من أسهل اللهجات العربية لانها عبارة عن روح

أعربت الفنانة السورية جومانا مراد، عن حبها الشديد لمصر، مؤكدة أنها لها فضل كبير عليها، وأنها تشعر بأن روحها مصرية.

وقالت جومانا مراد خلال أستضافتها في برنامج كلمة أخيرة مع الاعلامية لميس الحديدي: دايمًا بقول إن اللهجة المصرية مش معناها إني أتكلم مصري، ممكن أي حد يتكلم مصري لكن اللهجة المصري عبارة عن روح، والمصريين عندهم روح خاصة بيهم واللي مش هيعرف ياخد الروح دي مش هيعرف يوصل للناس، لأن المصريين عندهم إيقاع سريع بالمقارنة مع السوريين، وكمان خفة دم المصريين، ومتميزين بحاجات كتير من اللهجة.

وتابعت: أنا اتربيت مع مصريين من وقت ما كنت طفلة منذ نعومة أظافري وبعشق مصر، وبحس إني مصرية وده مش كلام بحس أن روحي مصرية، والبلد دي ليها فضل كبير عليا، وأنا مش بس متجوزة هنا، أسرتي كلها هنا، ولو سافرت بره مصر أسبوع بس مش بعرف أقول لازم أرجع.

مسلسل عملة نادرة

مسلسل "عملة نادرة" بطولة نيللي كريم، جمال سليمان، جومانا مراد، أحمد عيد، كمال أبو ريه، رمزي العدل، فريدة سيف النصر، ندا موسى، محمد لطفي، على الطيب، مريم الخشت، نهى صالح، ومحمد فهيم، وهشام عاشور وتأليف مدحت العدل، وإخراج محمد العدل، وإنتاج جمال العدل.