صابرينا لـ«بصراحة»: جالي كومنتات كثير بعد ما الأجهر طلب الزواج مني.. وشخصية هايدي قريبة مني

كشفت الفنانة صابرينا عن ردود الفعل التى وصلت بسبب شخصيتها في مسلسل الاجهر الذي تم عرضه في رمضان الماضي 2023.

وقالت صابرينا لموقع «بصراحة»: كنت مبسوطة إن الناس بتابع الأجهر وخصوصًا إن الحلقة اللي كانت عمرو سعد تقدم للزواج مني، كان بيتبعتلي لا بلاش تتجوزي ده أخوكي ده عايز يضحك عليكي علشان أبوه.

وأضافت التونسية صابرينا: جالي كومنتات كثير وكنت مبوسطة أوي إن المسلسل وشخصية هايدي الناس بيتابعوها وكان حديث الناس على السوشيال ميديا، وكان في أدوار كثير بس أنا قررت أختار هايدي لأنها تشبهني.

وتابعت صابرينا: الاستاذ ياسر سامي أختارني إن أمثل شخصية هايدي، لأنها تشبهني أوي لأنها واحدة مكافة وعايزة تعتمد على نفسها من غير مساعدة أهلها، وأنا بؤمن ان الست مهمة في مجال العمل لدى المجتمع زي الراجل ولكن كل واحد ليه دوره ويقدر يقدموا.

مسلسل الاجهر

وشاركت الفنانة صابرينا في السباق الرمضاني 2023 مع مجموعة من الفنانين من ضمنهم، عمرو سعد، درة، سيد رجب، خالد زكي، محمود قابيل، ناهد السباعي وأخراج ياسر سامي وتاليف أحمد حلبة.