محمد محمود عن الراحلة شيرين الطحان: مكنتش بتاجر بمرضها وكانت تعاني من 2017

كشف الفنان محمد محمود تفاصيل الأيام الأخيرة في حياة الفنانة الراحلة شيرين الطحان، مشيرًا إلى أنها كانت مريضة من 2017، ولكنها لم تتاجر بمرضها وأخفت عن الجميع.

وقال محمد محمود في تصريح خاص لـ”بصراحة”:شيرين الطحان مكنتش بتاجر بمرضها وصعب عليا أن مفيش فنانين حضروا في الجنازة لأنها اتعـذبت كتير أوي وكانت مريضة من 2017.

وأضافت:اتواصلت معاها قبل وفاتها بـ 10 أيام وردت عليا بصوت يقطع القلب وقالتلي الناس في المستشفى عايزين يشوفوك وبيحبوك جدًا بس أنا مش هقدر لأن أنا ممنوعة من الزيارات بسبب ضعف المناعة اللي عندها بس أوعدك إن شاء الله لما أشد حيلي لازم تيجي عشان الناس بتسأل عليك لكن محصلش.

وفاة شيرين الطحان

وكان قد طلبت الفنانة والإعلاميةشيرين الطحان، من جمهورها الدعاء لها بعد تعرضها لـ أزمة صحية في الساعات الأخيرة ونقلها إلى المستشفى، وذلك قبل أيام من رحيلها صباح الجمعة متأثرة بإصابتها بالسرطان.

وقالت الفنانة شيرين الطحان قبل رحيلها لـ «بصراحة»: «عندي في التنفس والقلب مشكلة وزاد عليا الموضوع وروحت الطوارئ، هما قالولي لازم تحاليلي فلاقوا البوتاسيم نازل، وعندي أنيمبا شديدة، ومكونات الدم متلغبطة فكرروا يحجزوني، لكن أنا مش بحب المستشفيات فكتبت خروج على مسؤوليتي».

وأضافت: «أتمنى من كل شخص في الأيام المفترجة دي يدعيلي بجد محتاجة دعاء الناس».