طليق زوجة حسن شاكوش لـ بصراحة: حسن متواصلش معايا ولا كلمني.. عائلة ريم طارق بتاعت حوارات ومشاكل.. مش عارف ليه دخلوني في مشاكلهم

تحدث أحمد طليقريم طارق زوجة المطرب الشعبي حسن شاكوشعلى حديث طليقته التى صرحت أن والدها فتح مشروع لهلمسعادته.

وقال أحمد في لموقع «بصراحة» الاخباري: أنا عايز أفهم هما أزاي رافعين عليا قضية بخصوص المنقولات بتاعت بنتهم، وفي نفس الوقت هما اللي عمللي مشروع وبيدعموا.

وتابع طليق ريم زوجة حسن شاكوش: العائلة دي بتاعت حوارات ومشاكلهم كثير، وهما خدوا كل حاجة جبوها في الجوازة بتاعت بنتهم قبل ما يجيبوا الماذون أصلا، ودلوقتي رافعين قضية بقالها سنة ونص عليا علشنا عايز حاجتهم اللي هما خدوها.

وأضاف أحمد خليل طليق ريم: حسن متواصلش معايا ولا كلمني وانا لحد دلوقتي مش عارف ليه دخلوني في مشاكلهم.

ريم طارق ترد على اتهامات حسن شاكوش

عبرت ريم طارق، زوجة حسن شاكوش عن استيائها من الشائعات التي تحاوظها عقب خلافها مع زوجها المطرب الشعبي حسن شاكوش.

وقالت ريم طارق، عبر حسابها الرسمي بموقع التواصل الاجتماعي لتبادل الصور والفيديوهات “إنستجرام”: “أنا كنت متجوزة من سنتين وانفصلت بعد سنة واتجوزت حسن بعدها بسنة وشهور وده مش عيب”.

وأضافت زوجة حسن شاكوش: “حسن وابن اخته مطلعين إني كنت ماشية غلط وبيعملوا أكونتات فيك تسيء لسمعتي”.

محمد أبن اخت حسن شاكوش يرد على ريم طارق

رد محمد أبن أخت المطرب الشعبيحسن شاكوشعلى حديث زوجته ريم طارق، مشيرًا أنه لم يتدخل وأنه لا ييرد الرد أحترامًا لخالوا.

ونشر أبن أخت حسن شاكوش أستوري على موقع تبادل الصور والفيديوهات " انستجرام": اولا كدة والله انا اول مره اتكلم والله محدش عارف الحقيقة فين والله واعلى واعلم واحنا ناس اتربينا على الاصول وصدقوني مفيش اسهل من ان واحد يرد يتكلم بس دي برضو على زمة خالي واخويا الكبير يعني مراته واحنا اتربينا ان عنينا متترفعش على ستات اهل بيتنا ربنا يسترها علينا جميعا وربنا يعلم الحق فين.

وتحدث المطربحسن شاكوشعن تفاصيل خلافه مع زوجته التى تدعى ريم طارق، بعد تحرير محضر بأنها سرقت مبالغ مالية.

وقال حسن شاكوش فى بث مباشر عبر حسابه بتطبيق انستجرام :" أنا اتأذيت كتير وفي ناس كانت بتأذيني لدرجة الأذى اللي يموتني وكان بيتعمل لي أعمال بوقف الحال وبالشلل وأعمال أني أموت نفسي ، بس الحمد لله لأني قريب من ربنا ما حصليش حاجة، ومش شرط علشان قريب من ربنا أني أكون بصلي، لأن بقالى كتير جدًا مش بصلي.

وأضاف مطرب المهرجانات: ما كانش حد دريان بيا وأنا كراجل مطرب لو فيا هموم الدنيا كلها بطلع على المسرح يضحك ويرقص ويعمل كل حاجة علشان شغله وأكل عيشه وما ينفعش أدخل مشاكل خاصة في الشغل لأن الناس اللي جايبينك شغل ودافعين فلوس مالهمش دعوة بمشاكلك.

حسن شاكوش يحرر محضر ضد زوجته

حرر المطرب الشعبي حسن شاكوش، محضر بسرقة نصف مليون جنيه ضد زوجته ريم طارق، والهروب من المنزل، وذلك عقب قيام الأخيرة بتحرير محضر ضده تتهمه بالسرقة والاستيلاء علي مجوهراتها في قسم أكتوبر.

كان بلاغ ورد لضباط مباحث قسم شرطة أول أكتوبر من المطرب الشعبي حسن شاكوش، يتهم زوجته ريم طارق بسرقة نصف مليون جنية والهروب من المنزل.

تحرر المحضر اللازم بالواقعة، وتكثف المباحث جهودها للوقوف على ملابسات الواقعة، وتولت النيابة التحقيقات.