صابرينا: المخرج ياسر سامي كان مهتم بكل التفاصيل و أنا بعتبر إن مصر هي هوليوود الشرق| حوار

كشف الفنانة صابرينا لموقع «بصراحة» الإخباري عن تفاصيل مشاركتها في مسلسل «الأجهر» مع الفنان عمرو يوسف والتونسية درة.

وكانت التونسية صابرينا تشارك لأول مرة في عمل فني لها وكانت التجربة الأولى بدأت من مصر، وإلى نص الحوار:

كيف ترشحتي للدور؟

الأستاذ ياسر سامي هو اللي عرض عليا دور هايدي، وحصل بينا مقابلة علشان يوضح ليا تفاصيل الشخصية وبعدها أعطاني الورق وبصراحة عجبتني الشخصية أوي خصوصًا إنها كانت مؤثرة في نهاية الأحداث المسلسل.

حدثينا عن العمل مع ياسر سامي؟

بصراحة أستاذ كبير وأنا أشتغلت معاه قبل كدة وأنا بفهم وجهة نظروا، غير كدة بيراجع كل التفاصيل مع الممثلين والشغل معاه بيعطي أطمئنان للممثل أنه كل التفاصيل هتطلع ومفيش حاجة هتفوته.

ما هي أوجه الشبه بينك وبين هايدي؟

هايدي بنت حساسة ومتعلقة جدًا بأهلها كما أنها هادية جدًا في الحياة، وهي طموحة ومش عايز تعتمد على حد وانا كدة بردوا إن بحب أشتغل وبحب التحديات فكل التفاصيل دي شدتني جدًا فيها.

هل أنتِ من أنصار المساواة بين الرجل والمرأة؟

أنا شايفة أن كل واحد له دور معين في المجتمع، بس أحنا مش متاشبهين الرجل لا يشبه المراة والعكس، والست بردوا لديها أمكانيات كثيرة يمكن أعطائها في الشغل.

العمل مع عمرو سعد حدثينا عنه؟

العمل مع عمرو سعد كان جميل جدًا وكان بخلينا ندخل معاه في المشهد، وديمًا كان بيساعد الناس في التصوير ومكنش بخيل على حد لو أحتاج لمساعدة، وأنا مبسوطة أن أشتغلت معاه بجد.

أصعب مشاهدك في الأجهر؟

كان أصعب حاجة اعتراف عمرو سعد لأخواته بالحقيقة، المشهد ده كان في كمية أحاسيس مش مفهومة وانا قاعدت فترة متأثرة بالمشاعر دي فترة كبيرة بعد ما خلصنا المشهد.

لماذا اخترتي أن تكون بدايتك الفنية في مصر؟

أي فنان لما يجيلوا فرصة أنه في عمل مصري وتكون بدايته الفنية أكيد هيوافق، لأن مصر تعتبر هوليوود الشرق، وأنا الحمد لله سعيت في حياتي علشان أول أهدافي كان ده

ما هو جديدك في عالم الفن؟

هناك العديد من الأعمال المعروضة عليا بس أنا محتاجة راحة شوية بعد رحلة طويلة.