محمد الباز يكشف عن «شقة الخير» للراحل الفنان مصطفى درويش بعد وفاته

كشفالكاتب الصحفي والإعلامي الدكتور محمد الباز، عن بعض أعمال الخير التي قام بها الفنان الراحل مصطفى درويش، والذي رحل عن عالمنا أمس الاثنين.

وقال عبر صفحته الشخصية على موقع التواصل الاجتماعي «فيس بوك»: «الله يرحمك يا مصطفى يا درويش. بدرى أوى يا أخى. عارف إنك هتقولى : يا عم هو ايه اللى بدرى ما كلنا مروحين… احنا بس اللى مش واخدين بالنا انها رحلة قصيرة أوى».

واستكمل: «ببهجته وحيويته وإقباله على الحياة وشغفه بأن يلمس النجوم بيديه كنت أشعر أن مصطفى درويش ابن موت، قالها لى مرة: أنا حاسس إنى مش مطول».

وتابع: «مصطفى مكنش جدع… مصطفى كان المجدعة نفسها.. كنت عارف إنه ومجموعة من أصدقاءه واخدين شقة عشان يجمعوا فيها مساهمات من أهل الخير فلوس وأكل وهدوم، وكان بيدور بنفسه على المحتاجين عشان يساعدهم ويقف معاهم».

وأضاف: «كان بيبقى فرحان بمساعدة الناس أكتر من أى عمل فنى جديد: هو ده يا دكتور اللى هيبقى.. سألته مرة عن حكاية شقة الخير، قال لى وحياتك بلاش كلام فيها يا أخى، دى الحسنة المخفية اللى عايزين نقابل بها ربنا، بلاش تضيع الثواب.. الخسارة فيك كبيرة يا مصطفى … ربنا يجازيك خير بكل الخير اللى عملته».