وفر 1000 جنية في الزفة شاب يحول توك توك لسيارة زفة بالغربية 

في ظل هذه الأيام ،توفيرا على الشباب المقبل علي الزواج ،قام شاب بتحويل توك توك ل توك توك زفاف .

قام شاب يدعي " أسامة عرابي" قائما بقرية طرينة التابعة لمركز المحلة الكبرى،بمحافظة الغربية ، بتحويل توك توك أشبه بالخرده ل توك توك أشبه بسيارة الزفاف ،تخفيفا علي الشباب ثمن سيارة الزفاف.

صرح أسامة من خلال لايف ل موقع "بصراحة الاخباري" قائلا : انا الفكرة جاتلي ايام جوازي من 4 سنين وقولت توكب العصر اللي احنا فيه ،هتوفر علي الشباب تقريباً 1000 جنية .

استكمل اسامة، اول ما بدأت الفكرة كنت بروح اقعد مع الصنايعي من يوم ل 3 أيام علشان احاول أوصله الفكرة اللي عايز اعملها ،التوك توك مكون من سماعات دي چي ،وجوانب وسندات من الضهر وكمان حاطط صورة عريس وعروسه .

أضاف انا بدأت انفذ الفكرة من تاني يوم العيد جالي اوردر في كفر الشيخ ، وقرية طرينة ،وقرية سامول بالمحلة الكبرى ،وناوي اعمم الفكرة واللي عايز يجي أعلمه واجي معاه لحد ما يعمل التوك توك كدا هروح معاه من غير مقابل ،احنا كلنا بنساعد بعض .