ريهام حجاج عن الراحل مصطفى درويش: من أكتر الناس اللي اتحاربت في الوسط الفني واستكتروا عليه رزقه

نعت الفنانة ريهام حجاج الفنان الراحل مصطفى درويش، بكلمات مؤصرة، مشيرة إلى أن تعرض لمحاربات كثيرة بسبب استكثار العديد من الفنانين مشاركته في أعمال فنية.

وكتبت ريهام حجاج عبر حسابها الشخصي بموقع التواصل الاجتماعي فيسبوك: مصطفىدرويش من أكتر الناس اللي اتحاربت و ياما اتكتب عليه و اتقال كلام كتير يهدم أي حد، ومصطفي درويش كتير أستكتروا عليه رزقه إللي ربنا كان باعتهوله و كعادة بعض الناس إللي شايفين إنهم لازم يقرروا مين يستحق الرزق و مين لاء شايلين من دماغهم إن ربنا بس إللي بيرزق.

وأضافت: مصطفي اتكلم معايا في الموضوع دا لما قابلته مرة بعد دوره في بميت وش و كان حقيقي متأثر، وياريت تفهموا إن ربنا دايما ليه حكمة في كل حاجة وأهو مصطفي ربنا أفتكره و هو لسة صغير.

وواصل: ياريت تبطلوا تجرحوا في الناس و هما و انتم لسه عايشين، عشان مش حاتقدر تتحمل وقفتك أدام إللي حرجته و هو مختصمك أدام ربنا، مافيش حاجة في الدنيا مستاهلة.

وفاة الفنان مصطفى درويش

وكانت قد نشرت الصفحة الرسمية لقناةCBCعلى موقع فيس بوك جزءًا من لقاء الفنان الراحل مصطفى درويشمع فريق عمل مسلسل بـ 100 وش في حلقة معكم مع الإعلامية منى الشاذلى، بعد عرض العمل قبل 3 سنوات والذى تحدث فيه عن الأزمة الصحية التي مر بها في هذه الفترة، حيث كشف عن أنه شعر بالموت وقها ولذلك قرر كتابة وصيته وتركها لإخوته.

مصطفى درويش قال خلال اللقاء: "تعبت وكان فيه وجع بطن شديد كده وزادت وعملت فحص لقيت في التهابات على الصدر، كنت وقتها بقول لأخواتى على باسورد الخزنة وإن أنا عندى فلوس هنا وعليا فلوس لده فلازم تدفعوا الفلوس اللى عليا كتبت وصية وسبتها لأخواتى".