مصطفى درويش في تصريح سابق قبل وفاته: اعتذرت عن فيلم الملحد عشان ديني أهم

توفي منذ قليل، الفنان مصطفى درويش بشكل مفاجئ، وسيتم تشييع الجنازة بعد صلاة العصر، من مسجد الحصري في أكتوبر.

وفي تصريح سابق للفنان الراحل مصطفى درويش كان قد كشف عن سبب انسحابه من فيلم "الملحد" بعد رفضه لبعض آراء الكاتب إبراهيم عيسى.

وكتب مصطفى درويش، عبر صفحته بموقع التواصل الاجتماعي فيس بوك: "الأزهر قال كلمته ونصر الحق، ممكن مسمعش صوت معارض لو سمحتم، لأن احنا مرجعيتنا للأزهر وأنا ولا شيخ ولا حاجة، أنا لسه بادئ انتظم في الصلاة من قريب، وكان بعد مشكلة حصلت لي، فقربت من ربنا".

وأضاف: "اعتذاري عن فيلم الملحد جاء في أصعب ظروف محدش عارف عنها حاجة، محتاج ماديات فعلا ومحتاج شغل لأني لسه في أول الطريق، فأكيد اعتذاري عنه كان على عيني، بس ديني أهم وأنا لا غلطت في الأستاذ إبراهيم ولا غلط في حد".

وتابع: "أنا بس أخدت قرار أدافع عن الصلاة اللي بصليها والإسلام اللي هو ديني ودين امتي، ولو كان الأستاذ غلط في أي ديانة مسيحية أوغيرها كان هيبقى نفس موقفي، أنا مسلم مؤمن بكل الرسل والديانات السماوية ومقبلش حد يشكك في الكتب السماوية واسكت، نقفل الموضوع ده علشان أخد أكبر من حجمه".