هشام الجخ يكشف أسرار أغنية مسلسل جعفر العمدة

كشف الشاعر هشام الجخ عن سر نجاح أغنية أنا قادر في مسلسل جعفر العمدة، قائلاً: “معايا ميجا ستار زي محمد رمضان وميجا ستار زي أحمد سعد فكان لازم تكون تريند”.

وكشف، خلال اللقاء،أن الأغنية قديمة وكان من المفروض أن تكون سينجل بينه وبين أحمد سعد قائلا "الأغنية مع أحمد سعد من سنة وكان اسمها السيرك وكانت هتتعمل سينجل أنا أقول شعر وهو يغني ولما قاللي نعملها لمسلسل جعفر العمدة وافقت فورا".

وكشف خلال اللقاء أيضا عن الكوبليهات والكلمات المحذوفةوهي:

صاحبت صحاب وطلعوا رخاص

هتاخد ايه من الهجاص

متسألنيش عن الإخلاص

أنا ماشي

ومن كتر اللي عدى وفات

بقينا نخاف من البدايات

يادنيا كلها حكايات

متسواشي

أنا لوحدي لكن ونسان

ورغم البرد أنا دفيان

وفي الشدة الأصول بتبان

وأنا أصلي

لا عمري جريت وراك ياحرام

ولا قبلت في كرامتي كلام

ومهما تحاول الأيام

وترقصلي

انا اللي بغض بصري وأخاف

ومهما سنيني تبقى عجاف

مبسألش البشر إلحاف

ولا بتهان

أغنية قادر

يذكر أن أغنية "أنا قادر" غناء الفنان أحمد سعد ويشارك فيها بالأداء الصوتي الشاعر "هشام الجخ"، ومن ألحان هيثم نبيل، وتوزيع كوليكس بوي.