هبة مجدي لـ«بصراحة»: حصلي كوابيس في الأيام اللي فاتت بسبب مسلسل المداح مكنتش عارفة أنام

كشفت الفنانة هبة مجدي كواليس مسلسل “المداح 3”، الذي يؤدي بطولته الفنان حمادة هلال، ويعرض ضمن الماراثون الرمضاني الحالي 2023.

وقالت هبة مجدي في تصريح خاص لـ”بصراحة”: بتفرج على يسرا اللوزي وهي جاية تنافسني على صابر المداح وقعدت أقول هو أنا ازاي سكتلها، هو أنا ليه مدخلتش خدتها من شعرها بس المشاهد دي حلوة.

وأضاف: لو حصل كده في الحقيقة هسكت أو ممكن أعمل أكشن، وخبطت محمد عز بالأوزازة وعورت راسة، وإيدي اتعورت يومها، ولما كنت بقول لصابر ده مش ابننا ده ابن جن، كان جوايا أعوذ بالله يارب سامحني، أصل أنا بخاف من الحاجات دي.

وقبل المداح مكنتش بتفرج على مشاهد أكشن، لكن الحوار ده محتاج ناس كبار، ودايما يكون أيمانا قوي بربنا، ولما صورت مشهد وأنا بولد البيبي، كان في تخيلات وأثرت فيا شوية.

وأختتمت هبة مجدي قائلة: حصلي كوابيس في الأيام اللي فاتت مكنتش عارفة أنام كويس، والموضوع كان فيه تعب نفسي جدًا.

مسلسل المداح 3

مسلسل «المداح» الجزء الثالث من بطولة حمادة هلال وهبة مجدي ويسرا اللوزي ومحمد عز وعصام السقا ودنيا عبد العزيز وحنان سليمان وهلا السعيد وعفاف رشاد وخالد سرحان ومحمود عامر وبسمة ماهر وتامر شلتوت وسلمى أبو ضيف ورانيا فريد شوقي ومحمد مهران ولوسي وعبد العزيز مخيون وأحمد ماهر وصبحي خليل وأحمد كشك، إنتاج شركة سكرمو ميديا- إسلام المرسي، من تأليف وليد أبو المجد وأمين جمال وشريف يسري ومن إخراج أحمد سمير فرج.