آدم الشرقاوي: خوفت دمي يطلع تقيل في الكوميديا بمسلسل ألف حمدلله ع السلامة.. ويسرا من أطيب الناس اللي قابلتها وبتأكلني في اللوكيشن |حوار

بحاول أظبط لغتي لسه لحد دلوقتي

يسرا من أطيب الناس اللي قابلتها وبتأكلني في اللوكيشن

خوفت دمي يطلع تقيل في الكوميديا بمسلسل ألف حمدلله ع السلامة

لفت الأنظار عند ظهوره في لعبة نيوتن مع منى زكي، بسبب لهجته الغريبة، وحصد إعجاب الكثير من رواد السوشيال ميديا من الوهلة الأولى من ظهوره على الساحة الفنية في مصر.

آدم الشرقاوي، الذي حقق نجاحًا كبيرًا ويثبت قدراته الفنية يومًا عن الآخر، خطف الأنظار في مسلسل “ألف حمدلله ع السلامة”، الذي يؤدي بطولته الفنانة يسرا ويعرض ضمن الماراثون الرمضاني الحالي 2023.

حاور موقع “بصراحة”، الفنان الشاب ليكشف تفاصيل وكواليس مشاركته في مسلسل “ألف حمدلله ع السلامة”، وتعاونه مع مايان السيد وعنبة في أول عمل فني له.

وإلى نص الحوار:-

في البداية حدثنا عن شخصيتك في مسلسل ألف حمدلله ع السلامة؟

أنا بلعب دور سامح وطالع ابن يسرا وأختي مايان السيد إحنا أبونا بيموت في المسلسل، فبنكرر هنسافر مصر عشان نورث، فالحكاية بتبدي من هنا، ونجيب فلوس الأراضي والمباني اللي بابا سابها، وحابب دوري أوي وحاسه مختلف عشان كوميدي وحاجة جديدة، بس خايف دمي يطلع تقيل في العمل بس مطمن عشان المخرج عمرو صلاح، ومركز أوي وفاهم أوي بس أنا مبسوط أوي بالدور عشان مختلف.

هل تحاول السيطرة على لغتك؟

بحاول أظبط لغتي ولو فيه دور بركز في العربي فيه، وباخد راحتي في المسلسل، وبحاول أبوظ كلامي أكثر.

-حدثنا عن تعاونك مع يسرا؟

يسرا من أطيب الناس اللي قابلتهم في حياتي ومهتمية أوي بالشغل وأنها تقدم حاجة حلوة للناس ومختلفة، ويسرا عملت كل حاجة في المسلسل وبتساعدني في كل حاجة وبتاخد بالها مني وبحس بجد أن أنا ابنها في أوقات حتى كانت بتأكلني.

ماذا عن تعاونك مع محمد ثروت وشيماء سيف؟

أول يوم في التصوير كنت خايف أوي وعملت أول مشهد مع ثروت، ولقيته بيقول كلام كده وكوميدي، وساعدني هو وشيما ثروت في الكوميدي أوي وانبسطت أوي بالشغل معاهم.

حدثنا عن تعاونك مع مايان السيد وعنبة؟

بحب مايان أوي أوي مثلت معاها في نيوتن، وعارفها من أول ما نزلت مصر، وقربت ليها أوي في مسلسل ألف حمدلله ع السلامة، وعنبة كمان قربت منة جدًا لأننا قريبين من بعض في السن، وبقعد مع عنبة اسمع هو بيتكمل ازاي، أنا صوتي وحش أوي عنبة بيغني في اللوكيشن لكن مش هعمل ديو معاه.

ماذا عن المخرج عمرو صلاح وشركة العدل جروب؟

عمرو صلاح دمه خفيف ولو عندي مشكلة في مشهد بيساعدني أوي في أي معلومة عايز أوصلها بأحسن طريقة، ومن وقت ما نزلت مصر وأنا بسمع اسم جمال العدل وهو شخص محترم جدًا، وشكرة العدل معروفة، فمبسوط أني بشتغل معاهم.

ما هي الشخصية التاريخية التي تود تقديمها؟

عايز أفضل في حتة الشباب حبة، لكن مش بفكر أقدم شخصيات كتير، ولو شخصية تاريخية تكون الإسكندر الأكبرالراجل ده كان فظيع، ومات وهو عنده 34 سنة فنفسي ألحق دوره قبل ما أكبر، ولو فنان معين أعمل لـ نسيم لأن حاسس أن في قصة وره حياة الراجل ده.

ماذا تحضر خلال الفترة المقبلة؟

في فيلم نازل في العيد اسمه 5 جولات مشارك فيه، وهو عبارة عن انمي ومعايا بطولة ماجد المصري ونور النبوي ورابر شاطر أوي اسمه ارسنل.

من تتابعه في دراما رمضان 2023؟

بتابع مسلسل محمد فراج في رمضان، ومنى زكي في تحت الوصاية، والكبير أوي 7، وبحب اشتغل مع ماجد الكدواني أوي وياسمين عبد العزيز والمخرجين كاملة أبو ذكري وعمرو سلامة ومروان حامد، وتامر محسن.