محمد ثروت: حاولت أبعد عن كرير المحاماة في مسلسل «ألف حمدلله ع السلامة».. والعمل الفني اللي بقدمه لازم يكون فيه رسالة قوية للمجتمع |حوار

حاولت أبعد عن كرير المحاماة في مسلسل "ألف حمدلله ع السلامة"

بحب الكوميديا عموما، بس لو جالي ورق حلو استفزني فنيا هعمله

لازم أي عمل فني يكون فيه رسالة تخدم المجتمع ميبقاش عمل فني وخلاص

المشاكل اللي بتحصل في المجتمع مينفعش كلها تتجسد في عمل فني واحد

مش بتابع غير يسرا في رمضان

في أي عمل يخوضه يخطف الأنظار بالكوميديا الذي يقدمها، والتي تعد خفيفة على الجمهور وينجذب إليها الجميع، نظرًا لأنه يتمتع بنعمة قبول عالية لديهم مما يجعل الكثير يلتف إليه.

الفنان محمد ثروت النجم الذي يثبت موهبته في كل عام من دراما رمضان، وفي هذا العام شارك بمسلسل “ألف حمدلله ع السلامة”، مع الفنانة يسرا في دراما رمضان.

-في البداية حدثنا عن شخصيتك في “ألف حمدلله ع السلامة”؟

شخصية أكرم شغال شؤون قانونية في شركة ومع يسرا في رحلة البحث عن الورث طبعا مبسوط جدا بالتعاون مع يسرا، كنا اتقابلنا مره واحده في مهرجان الجونة بس حصل بينا كيميا لطيفة كده، فلما اتعرض عليا المسلسل انبسط جدا الدور لطيف جدا ومبسوط بيه.

-الدويتو مع شيماء سيف أكثر من رائع.. حدثنا عن تعاونكم؟

شيماء سيف عسل ومراتي في المسلسل وعاملين دويتو لطيف وده أول مره يحصل بيني وبنيها حاجة في المسلسل اشتغلنا قبل كده بس مكناش بنتقابل أوي بالكسرة دي، فعاملين كيميا لطيفة أوي وفي رومانسية أوقات وأوقات فيه شد وجذب، الموضوع فيه مواقف مبهجة، وممكن أنا وشيماء في الكواليس نعمل مقالب في بعض وضحك، ويسرا بتضحك باللي بنعمله، ففي كيما لطيفة بينا إحنا التلاتة.

-ماذا عن تعاونك مع يسرا في أول عمل درامي؟

قصة المسلسل حلوة وطبعا يسرا ممثلة جميلة جدا ووافقت، وطبعا الواحد يمثل جمبها ده شرف كبير، ومن ضمن المميزات أن مسلسل استاذه يسرا الحاجة التانية أن القصة حلوة جدا، وعمرو صلاح مخرج محترم جدا وفاتح أدواته ده ريحني.

حدثنا عن تعاونك مع المنتج جمال العدل؟

جمال العدل فنان ومنتج محترم جدا وأنه يجمع التوليفة دي كلها والممثلين دول كلهم، فدي حاجة جميلة جدا وشركة العدل جروب محترمة جدا.

-ماذا عن شخصية المحاماة؟

حاولنا على قد ما نقدر نبعد عن كرير المحاماه، فعملنا ليسانس حقوق بس شغال شؤون قانونية في شركة ففي فرق عن المحامي عموما ممكن يكون عنده خلفية عن القانون لأنه أوقات بيتعك جوه في مشاكل، بيروح أقسام ونيابة، فعنده خلفية عن القانون عمومًا.

-تقاليد عيلة يسرا في المسلسل مختلفة حدثنا عنها؟

قضية المسلسل هي العيلة في خلال بحثهم عن الورث بيبدأوا تتشكل عندهم حاجات هما مش واخدين عليها، وخصوصا أنهم كانوا عايشين في كندا ونزلوا مصر ففي طبايع غير الطبايع، وتقاليد وعادات مختلفة، فده خلاهم يبقوا مصريين أكتر.

هل ممكن تشارك في أي شخصية آخرى غير الكوميديا؟

بحب الكوميديا عمومًا، بس لو جالي ورق حلو استفزني فنيا هعمله، بس بالنسبة للكوميديا أنا بحب اشتغلها عمومًا، وبحب تصنيف الكوميديا، لأنه بحس أنها بيتي.

-ما هي الرسالة التي تحرص على تقديمها في أي عمل فني؟

لازم أي عمل فني يكون فيه رسالة تخدم المجتمع ميبقاش عمل فني وخلاص، العمل الفني بحس أن هو أداة لابراز المشاكل اللي موجوده وامكانية حلها دي حاجة تانية، بس أنا بحب العمل اللي بعمله متسلط على مشكلة معينة وبيقول حاجة تفيد المجتمع، والمشاكل اللي بتحصل في المجتمع مينفعش كلها تتجسد في عمل، كل عمل فني لازم يحتوي على حاجات معينة مينفعش أعمل كل المشاكل في فيلم واحد أو مسلسل واحد، أما لكا يبقى كل مشكلة أو المشاكل اللي بتطرق لبعض تتعمل في حاجة واحدة تمام.

ماذا عن المنافسة في دراما رمضان؟

المنافسة في رمضان قوية وأغلب الزملاء بيكونوا مركزين جدا في الورق ومركزين هما عايزين ايه مركزين في المشاكل اللي عايزين يطرحوها فبالتالي هتلاقي مجموعة مسلسلات كبيرة بتتكلم عن مواضيع معينة في المجتمع وكل مسلسل بيقول حاجة فده مش متوفر غير في موسم رمضان.

ما رأيك في تجربة المنصات؟

تجربة المسلسلات الـ 15 حلقة جميلة جدا، أولا وفرت الوقت وعدم المط في الأحداث وإمكانية تعمل مسلسلين 30 حلقة فدي حاجة جميلة جدا أحسن ما يكون المسلسل كله 30، والعرض على المنصات حاجة جميلة جدا

من تتابعه في رمضان.. وبتحضر لـ أيه الفترة المقبلة؟

أنا بتابع يسرا في رمضان السنادي بس، وبقفل في مسلسل اللعبة اللي هيتعرض بعد رمضان وفي فيلم اسمه كابتن جاك، وفي انتظار فيلم اسمه كارت شحن أنا وبيومي فؤاد.