رضوى الشربيني: رصيدي في بنوك الوجع هي قسيمة الطلاق

كشفت الإعلامية رضوى الشربيني، عن تفاصيل طلاقها، مضيفةً: «بيقولوا مفيش ست في العالم بتحب تسمع إنتي طالق».

وقالت، خلال برنامج «أنا والقناع»، الذي تقدمه منى عبدالوهاب، المذاع عبر فضائية «الحياة»، مساء الخميس: «في تجربتي السابقة اكتشفت نفسي، ولقيت إنسانة مش قابلة تعيش العيشة دي، ورصيدي في بنوك الوجع هي قسيمة الطلاق وأكتر بكتير من كده».

أضافت: «الوجع كان كتير وقسيمة الطلاق مش وجع، اللّى إنتي بتمري بيه ويوصلك لقسيمة الطلاق هو الوجع والقسيمة دي هي النتيجة، وأنا متوجعتش لما مسكت قسيمة الطلاق، بس اتوجعت عشان أوصل لها».

وتابعت: "الراجل لما يتجوز واحدة ويجرجرها في المحاكم علشان تمد إيدها وتشحت حقها وقوتها وقوت ولادها لا يمكن وصفه بكلمة رجل، وتوجد نماذج أخرى لا أفضل ذكرها على الشاشة، فهل المفروض أطلع أطالب الزوجة تتحمل الضرب، وتقول ضرب الحبيب زي أكل الزبيب، أو ضل راجل ولا ضل حيطة!".

برنامج أنا والقناع

يعد البرنامج " أنا والقناع " من البرامج الرمضانية وتقدمه الإعلامية منى عبد الوهاب ويُعرض على قناتي الحياة وcbcضمن خريطة الشركة المُتحدة للخدمات الإعلامية وإنتاج شركةDS+.