أسما سميح  تكشف عن كواليس زوجها حمادة هلال مع المداح: بيرجعلي سبونج بوب

قالت أسما سميح، زوجة الفنان حمادة هلال، إنها لا تخاف من العفاريت، مشيرة: «أنا كل يوم بيجيلي المداح عادي، بيبقى سبونج بوب، وأنا مش بخاف وبكون مطمئنة».

وأضافت زوجة حمادة هلال في فيديو نشرته الإعلامية سهير جودة، قائلة: «المسلسل جميل جدا، وجرعة الخوف بسيطة مش عالية أوي زي ما الناس متخيلة، بس اتفرجوا وفي حد جنبكوا مش هتاخفوا، انا مش بتفرج لوحدي ولا بتفرج بليل».

شخصية صابر المداح

وأشارت زوجة حمادة هلال: «انا مؤمنة بالجن، ربنا ذكره في القرآن، مؤمنة بوجودة، بس وجهة نظري انه مش موجود كتير حوالينا، أو ممكن يكون موجود لكن لا نشعر به، أنا مؤمنة بربنا، ومؤمنة ان ربنا بيحافظ علينا، حصنوا نفسكم بس».

وكشفت أسما سميح، أن حمادة هلال شخصيته قريبة من شخصية المداح، وهو متدين بطبعه وهادئ جدا، ودايما بيذكر ربنا والرقية الشرعية اساسية بالنسبة له، مشيرة: «مش حاسة ان في فرق بين حمادة والمداح، وعشان كده هو لايق على الدور اوي، هو فطر معانا يوم او يومين، وباقي الايام في التصوير، هو تصويره صعب، وفريق العمل كله عامل مجهود كبير، مسلسل صعب والحمد لله ان الناس مبسوطة منه».