خالد يوسف: أنا معنديش أخطاء في «سره الباتع».. ومحدش يستعبط ويقولي أنت ملتزمتش ليه

رد المخرج خالد يوسف على الانتقادات التي وجهت لـ أحدث أعماله الدرامية “سره الباتع”، الذي يُعرض في الماراثون الرمضاني الحالي 2023، عبر فضائية on.

وقال خالد يوسف خلال لقائه مع et بالعربي: الحملة اللي اتعملت في المسلسل ببداياته ظالمة واتكلموا على حاجات مش موجودة أصلًا في المسلسل لما يبقى فيه في المسلسل 2000 كومبارس وتدخل تعمل zoom in، على آخر صف وتبين أنهم شكلهم مصري فده باين جدًا أن هو مستهدف.

وأضاف: أنا معنديش أي أخطاء هو شوت ثانيتين بتاع الكوتشي وصلحته بعد العرض بنص ساعة وكل اللي اتقال غلط وبالمنطق والعقل المصريين اللي استحدثوا أيام أحمس بالعربية الحربية اللي بيجرها حصان هيبقوا بعد الالاف السنين، وبيجوا يتبلوا على الفيلم ويوقلك العجلة دي كانت فيها كوتش والعجلة خشب 100 % وهما يقولوا كان فيها كوتش.

وواصل: نابليون مكنش طويل كده أنت مالك بنابليون أنت روحت شوفت الأفلام العالمية اللي معمولة عنه وشوفت الكاستنج بتاعها والممثلين.

خالد يوسف يرد على منتقديه

واستكمل: الهجوم على العمل دي مواقف دي مش ضده أنا مستعد وبتحدى يجي قدامي أي ناقد وأي مؤرخ أو أي حد بيفهم ويقولي ايه اللي مكنش معمول ومنضبط تاريخيًا الديكورات معمولة كما كانت بالظبط القلعة هي القلعة والقرية التاريخية هي هي وكمان الاكسسورات والملابس بالظبط كما هي في كتاب وصف مصر محدش يستعبط ويقولي أصل أنت ملتزمتش .

وأختتم ردًا على قرار اعتزاله، قائلًا: أنا معتزلتش خالص ومش هعتزل أنا كل قصتي أن أنا مش هعمل كده تاني وأخد 6 شهور أعمل فيهم عمل تاريخي وعصري وكم المعارك اللي موجودة ده كان انتحار بالنسبالي.

مسلسل سره باتع

ويدور مسلسل سره باتع بين فترتين من الزمن، وهي وقت الحملة الفرنسية والعصر الحالي، والمسلسل من بطولة الفنانين: “ رانيا التومي، أحمد فهمي، أحمد صلاح السعدني، شمس الكويتية، حسين فهمي، أحمد عبدالعزيز، حسين فهمي، حنان مطاوع والمسلس من إخراج خالد يوسف، وتأليف يوسف إدريس”.